ELAk salatu du Zardoya Otis konpainiak Mungiako lantegia itxi nahi duela

«Industria sarearen suntsiketa» geldiarazteko esku hartzeko eskatu die sindikatuak erakunde publikoei.

Mungian 80 lanpostu daude kolokan
Zardoya Otiseko langileak, protestan, artxiboko irudi batean.
Zardoya Otiseko langileak, protestan, artxiboko irudi batean. JUAN CARLOS RUIZ / ARGAZKI PRESS

Jon Fernandez -

2014ko urriak 11

ELAk, agiri bidez, salatu du Zardoya Otis igogailuen konpainiako zuzendaritzak Mungiako lantegia itxi eta hango jarduera beste planta batzuetara eraman nahi duela. Sindikatuaren arabera, zuzendaritzak antolakuntza arrazoiengatik lekualdatu nahi du jarduera. Mungiako lantokian laurogei behargin daude lanean, eta haien lanpostuak kolokan daudela salatu du sindikatuak.

«Industria sarearen suntsiketa» geldiarazteko eskatu die sindikatuak erakunde publikoei. Mungiako lantegia ixtearen kontra agertu da ELA, eta «Zardoya Otisek langileei eta orain ehun urte inguru hasi zen proiektuari bizkar eman izana» salatu du.

Izan ere, Zardoya enpresa 1919an sortu zen, Donostian, eta hiri horretan du Euskal Herriko beste lantegia —gainontzeko plantak Madrilen eta Bartzelonan dauzka—. 1960ko hamarkadan asko hedatu zen Zardoya, hainbat igogailu konpainia bereganatuz: Madrilgo Seifre y Bienzobas, Elinter, eta La Termica; Bartzelonako La Termica; Bilboko Energit; Alacanteko Piesa; eta beste enpresa txikiago batzuk. Espainian igogailu gehien saltzen zuen konpainia bihurtu zen, eta 1972an Otis multinazional estatubatuarrak erosi zuen, munduan igogailu gehien egiten duen enpresak.

Egurenen jatorrizko planta

Urte batzuk geroago, 1985ean, Zardoya Otisek Ascensores Eguren bereganatu zuen. Eguren enpresa Bilbon sortu zen, 1906an, eta fusioaren garaian Mungian zuen igogailuak ekoizteko planta. Beraz, Egurenena zen Mungiako fabrika, orain arriskuan dagoena.

Zardoyaren egoerak igogailuen sektorearen aurkia erakusten badu ere, bada ifrentzua, Oronak ordezkatzen duena. Mondragon taldeko kooperatibak 50 urte bete ditu aurten, eta alde ditu zenbakiak. Gainera, hedapen fasean dago mundu osoan. Techlift konpainia poloniarra erosi zuen joan den irailean, «Oronak Europan duen erreferentzialtasuna eta posizioa indartzeko». Nazioartekotze betean dago: Brasilgo AMG Elevadores erosi zuen iaz, eta Norvegiako Elevator AS igogailu ekoizlea eta Bretainiako Ascenseurs Altilift enpresa 2012an.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Pertsona batzuk maskararekin pasa den astean, Orion (Gipuzkoa). ©Jon Urbe / FOKU

Getariako Udalak, hiru kasuren berri eman, eta Osasun Sailaren jarrera salatu du

Amaia Ramirez de Okariz Kortabarria

Eusko Jaurlaritzako Osasun Sailari eskatu diote zuzenean emateko egon daitezkeen positiboen berri eta hartzeko herritarrak babesteko hartu beharreko neurriak. Azpeitiko (Gipuzkoa) Udala ere kezkatuta dago.

Sanferminak bertan behera geratu diren arren, zuri-gorriz jantzitako gazte bat, maskararekin, Iruñean. ©Jesús Diges

Koronabirusaren agerraldiak

Berria

Koronabirusaren aurreneko olatua makaldu eta konfinamendua arintzen hasi ondoren agerraldi gehiago ditu gaitzak. Ekainetik aurrera gutxienez hamahiru agerraldi izan ditu COVID-19ak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna