Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Legebiltzarrak Iturbez erabakitakoa betetzeko exijitu du oposizioak

EITBko zuzendaria kentzeko eskaera administrazio kontseiluan eztabaidatuko dute 24an
EITBko langileak, enplegu erregulazio dosierraren aurka protestan, urtarrilaren 27an, Bilboko egoitzan.
EITBko langileak, enplegu erregulazio dosierraren aurka protestan, urtarrilaren 27an, Bilboko egoitzan. MARISOL RAMIREZ / ARP

Edu Lartzanguren -

2015eko otsailak 7

Maite Iturbe EITBko zuzendari nagusiaren dimisioa eskatzeko mozioa onartu zuen Eusko Legebiltzarrak ostegunean, oposizio osoaren botoekin. Kudeaketa txarra egotzi zioten taldeok Iturberi, eta 30 langile kalean utziko dituen enplegu erregulazio dosierra bertan behera uzteko exijitu zuten. Bozketaren ondoren, Eusko Jaurlaritzak sostengua adierazi zion Iturberi, eta hark gogoratu zuen EITBko administrazio kontseiluak harturiko erabakiak bete baino ez duela egin. Legebiltzarrak eskatutakoa aintzat hartzeko exijitu zion atzo EH Bilduk Iñigo Urkullu lehendakariari, «geratzen zaion sinesgarritasunari eutsi nahi badio». PSEk, berriz, dimisio eskaera EITBren administrazio kontseilura eramango du, otsailaren 24an egitekoa duen bilerara.

Legebiltzarraren erabakia ez du zertan nahitaez bete Iturbek. Zuzendaria kargutik kentzeko proposamena Jaurlaritzak egin behar du, edo EITBko Administrazio Kontseiluak, eta legebiltzarraren erabateko gehiengoak berretsi beharko luke gero. Administrazio kontseiluan dauden 21 kideen bi herenen sostengua beharko luke eskaerak. Edonola ere, legebiltzarrak ostegunean harturiko erabakiak balio politiko nabarmena du oposizio osoaren sostengua duelako.

«Ez dago aitzakiarik. Errespetu hori zor dio Legebiltzarrari eta gizarteari. Hartutako erabakia bete behar du Urkulluk», esan zuen atzo Unai Urruzuno EH Bilduko legebiltzarkideak. Gaineratu zuenez, Iturbe ez dago EITBko zuzendaritzan «jarraitzeko moduan», enplegu erregulazio dosierra bertan behera uzten ez badu.

EITBko egiturazko lanpostuak sindikatuekin negoziatzen «berehala» hasteko eskatu zuen Urruzunok, eta, beste behin ere, EITBren «izaeraz eta ereduaz» eztabaidatu behar dela adierazi zuen.

Bozketa, 24an

Erregulazio dosierra gelditzeko eskaera eta zuzendari nagusiaren dimisioa otsailaren 24an eztabaidatuko dute EITBko administrazio kontseiluan. Bilera horretan, «legebiltzarrean adierazitako gehiengoaren nahia aintzat hartzea» espero zutela esan zuten atzo PSEk kontseiluan dituen hiru kideek. Alma Fernandezek, Mikel Unzaluk eta Concha Aretxagak bilerara eramango dituzte eskaerak. Edonola ere, bozketa horren emaitza ez da aurreikusten erraza, kontseiluaren osaketa dela eta, hango gehiengoak ez duelako zertan legebiltzarrekoa bezalakoa izan.

EITBko administrazio kontseiluan talde politikoek proposaturiko ordezkariak egoteaz gain, sindikatuetako eta beste gizarte taldetako kideak daude.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Darth Vader eta haren soldaduak, Antiguatik udaletxera bidean. ©BERRIA

Elkartasunaren indarra lagun

Jakes Goikoetxea

'Star Wars' filmen sagako pertsonaien erakusketa eta desfilea egin dituzte Donostian. Zaleen Pink Force fundazioak antolatu ditu, Gipuzkoako Odol Emaileen Elkartearen alde.
 ©IÑIGO URIZ / FOKU

«Elkarte askotan konpromisorako urratsa egitea kostatzen da»

Iker Tubia

Pedagogia aktiboaren bueltan aritu da Bobes; batez ere, hezkuntza araututik kanpo. Emakumeen ahalduntzerako herri kultur-zentroetan aritu da jo eta su, eta hamaika elkartetan. Emakumeez, feminismoaz, ibilitakoaz eta erronkez mintzatu da.
 ©JAGOBA MANTEROLA / FOKU

«Entzundako zerbaitek norbaiti balio baldin badio, zoragarri»

Jakes Goikoetxea

Hamabi bideo elkarrizketako proiektu bat abiatu du, aurrera egiteko tresnak bilatzeko asmoz, besteek egindako bidetik ikasteko asmoz. Enpatian eta konfiantzan oinarritutako solasaldiak dira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.