Albistea entzun

Hizkuntza hautua errespetatuko du EITBk solaskideen adierazpenetan

Aspaldiko eskari bati erantzun dio erabakiarekin.

Neurria «modu naturalean» ezarriko du
ETB2n euskaraz egiteko konpromisoa hartu zuten kultur eta kirol munduko hainbat pertsona ezagunak.
ETB2n euskaraz egiteko konpromisoa hartu zuten kultur eta kirol munduko hainbat pertsona ezagunak. ANDONI CANELLADA / ARGAZKI PRESS

Ainara Arratibel Gascon -

2015eko uztailak 7

Elkarrizketatuaren hizkuntzaren hautua errespetatzea. Horixe izango da adierazpenen hizkuntza tratamendua arautzeko orduan EITBk ezarriko duen irizpide nagusia. «Kazetariek, adierazpenak eskatzeko orduan, garbi utziko dute EITBk ez duela inposatzen euskaraz egitea, gaztelaniaz egitea edo bietara egitea». Aspaldiko eskari bati erantzun dio hala EITBko zuzendaritzak.

Ohar bidez eman du erabakiaren berri, eta argi utzi du ondorengoa: «Erabaki horrekin ikus- entzuleak ez du informaziorik galduko albisteetan, azpidatzien eta kazetarien azalpenen bidez osatuko baita informazio guztia. Horrekin «leiho bat» zabaldu diote euskarari ETB2ko, Radio Euskadiko eta Radio Vitoriako albistegietan eta magazinetan. «Hainbat txosten kualitatibok agerian utzi dute ikus-entzuleek begi onez ikusten dutela euskarari leiho bat zabaltzea gaztelaniazko kateetan, euskal gizartearen parte geroz eta adierazgarriago batek bizitza publikoan eta pribatuan euskaraz egiteko joera baitu».

«Modu naturalean» egingo dute. «Adierazpenen hizkuntzaren trataeraren bitartez gizartearen erretratu bat egin daiteke, eta EITBn oso garrantzitsutzat jotzen da erretratu horretan euskarak leku nabarmena duela erakustea».

Hala, euskarak euskal gizartean gero eta leku handiagoa duela erakusteko Euskal Irrati Telebistak duen konpromisoa berretsi du. «Plan estrategikoak duen helburuen barruan dago hedabideetan euskara kontsumitzeko jarrera sustatzea eta normalizatzea».

Bide horretan, EITBk azaldu du bi proiektu dituztela datorren urtera arteko plan estrategikoan: gaztelaniazko kateetan euskarari tokia egitea batetik, eta euskarazko kanaletan erabiltzen den euskararen gaineko gogobetetasuna handitzea bestetik. Lehendabizikoaren barruan dago, besteak beste, adierazpenen hizkuntzaren tratamendua.

Aspalditik ari ziren eskatzen EITBri arautzeko adierazpenen hizkuntz trataera. Azkena, aurtengo apirilean izan zen. Horren barruan ETB2n euskaraz egitearen aldeko hautua hartu zuten kirol eta kultura arloko hainbat pertsona ezagunak, eta erabaki hori kontuan hartzeko eskatu zuten.

Sinatzaileen artean zeuden, bestak beste, Itziar Ituño, Ramon Agirre eta Sara Cozar aktoreak, Maialen Lujanbio, Amets Arzallus eta Andoni Egaña bertsolariak, Fermin Muguruza, Eñaut Elorrieta eta Alex Sardui musikariak, Aimar Olaizola eta Iñaki Artola pilotariak eta Gaizka Garitano Eibarreko entrenatzaile ohia. 140 lagunek sinatu zuten agiria

«Irizpide falta»

Sinatzaileen izenean hitz egin zuen Iratxe Ibarra bertsolariak. EITBren irizpide falta salatu zuten, eta argi utzi zuten zein zen haien eskaria. «EITBko zuzendaritzak agindua eman diezaiela kazetari guztiei euskaldunak gaztelaniaz hitz egitera ez behartzeko, eta arretaz zaindu dezatela betetzen den edo ez». Horri lotuta, eskutitza bidali zioten EITBko zuzendaritzari. «Ez dago imajinatzerik ere hizkuntzaren normalizazioari zein mesede egingo liokeen ETB2n euskara gero eta gehiago entzuteak. Ikusgarritasuna emango lioke, entzungarritasuna, bizitasuna, gure herriaren oinarri, osagai eta funtsa dela agertuko luke». Halaber, ekinbidea bere egiteko eskatu zieten herritarrei. «Kamera bat hurbiltzen zaienean euskara erabiliko duten subjektu linguistiko bihur daitezela».

Ezarritako irizpide berri honekin EITBk talde hark egindako eskariari erantzun dio.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Maddalen Arzallusek eta Xabier Sukiak aurkeztuko dute 2022ko lehen saioa ETB1en: <em>Biba 2022!</em>. ©EITB

ETBren kanpaiak, Gasteiztik

Urtzi Urkizu

ETB1en Ainhoa Etxebarriak, Aitziber Garmendiak eta Yerai Diezek aurkeztuko dituzte kanpaiak

 ©GORKA RUBIO / FOKU

«Ekialdean berariaz zaindu dute xakea»

Gorka Erostarbe Leunda

Jolasa eta jokoa. Lehia eta estrategia, baina baita zientzia, artea, poesia eta bizitza ere. Guztiak islatzen ditu xakeak. Alderdi horiek bildu ditu Berasaluzek '64 begirada. Xake taularen zuri-beltzean' lanean.
Daliren maskara biral egin da. ©NETFLIX

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.