Albistea entzun

Ikuslearen defendatzailearen figura garatzeko eskatu du legebiltzarrak

Erdibideko zuzenketa aurkeztu dute EAJk, EH Bilduk eta PSE-EEk, eta aldeko 73 boto izan ditu

Urtzi Urkizu -

2016ko ekainak 10

EH Bilduk jarri zuen gaia mahai gainean, legez besteko proposamen batekin. Koalizioak nahi zuen Eusko Legebiltzarrak EITBko zuzendaritzari eskatzea ikus-entzulearen babeslearen figura autonomoa sortu eta arautzeko proposamen zehatza aurkeztea, «herritar orok egiazko informazio independente eta plurala jasotzeko duen eskubidea zaintze aldera». Eusko Legebiltzarrean gaiarekin lotutako erdibideko zuzenketa bat onartu zuten atzo, EH Bilduk, EAJk eta PSE-EEk adostua: aldeko 73 boto izan zituen, eta UPDko ordezkaria izan zen abstenitu zen bakarra.

Onartutako testuaren arabera, Eusko Legebiltzarrak EITBren administrazio kontseiluari eskatu dio amaitzeko barne araudi batzordearen lana, eta bere barne araudia onartzeko —ekainaren amaieran egingo den bileran dira onartzekoak—. Zuzenketak honela jarraitzen du: «Etorkizunean beste definizio batzuen aukera baztertu gabe, gara dezala EITBren erabiltzaileen defendatzailearen figura eta lan autonomoa, eta ezagutzera eman dezala, herritarrek kexak eta proposamenak helarazteko aukera izan dezaten».

Legearen arabera, gaur egun ikuslearen babeslearen funtzioa EITBko administrazio kontseiluko buruari dagokio. «Teorikoki da hori, baina ez du inolako efektu praktikorik», esan zuen EH Bilduko legebiltzarkide Unai Urruzunok. EAJko Luke Uribe-Etxebarria da egun administrazio kontseiluko presidentea, eta, azaldu duenez, figura hori ezagutzera eman behar da. «Administrazio kontseiluaren araudi berrian, sakondu egingo da defendatzailearen figuran», esan zuen EAJko kideak. PPko Nerea Llanosen iritziz, gizartean inork ez du ezagutzen figura hori existitzen denik. Uste berekoa da Urruzuno, eta eskatu zuen aztertzeko ea alderdietako kide batek ala pertsona independente batek bete behar duen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Kamisetak banatu zizkieten atzo parte hartzaileei, Maulen. ©GUILLAUME FAUVEAU

Bueltan da olatu laranja

Eire Maia Manterola

Abiatu da IV. Euskarabentura espedizioa. Gaur egingo dute lehen etapa abenturan izena eman duten 127 gazteek: Mauletik Pagolara joango dira.
Iaz, ohi baino talde gutxiagok parte hartu zuten Donosti Cupen, osasun egoera dela eta. ©MAIALEN ANDRES / FOKU

Baloiak elkartuko ditu berriz

Ane Insausti

Inoiz baino talde gehiago arituko dira 30. Donosti Cupen: 754. Etzi hasi eta larunbatean amaituko da, eta jarduera guztiak egingo dituzte berriz ere.

Bilboko erraldoiak, Mariaren Bihotza plazako aztarnategian. ©BERRIA

Erakusketa erraldoi bat

Enekoitz Telleria Sarriegi

'Bilboko erraldoiak' erakusketa Mariaren Bihotzaren plazako aztarnategian jarri dute aurten, eta irailaren 11ra arte egongo da ikusgai. 1980ko eta 1988ko hamasei erraldoi daude bertan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.