Albistea entzun

Prestakuntzako atari bat sortu dute Radiokulturak eta beste bost irratik

Toolbox tresnaren gidak bost hizkuntzatan jarri dituzte. Euskarara udarako itzuliko dituzte
Europako hainbat herrialdetako kazetariek aurkeztu zuten atzo Toolbox Interneteko tresna, Baionan.
Europako hainbat herrialdetako kazetariek aurkeztu zuten atzo Toolbox Interneteko tresna, Baionan. I. MIQUELESTORENA

Urtzi Urkizu -

2016ko apirilak 30

Komunikabideetarako, bereziki irratigintzarako, baliagarriak izango diren 60 gida praktiko jarri ditu eskura Umac irrati sareak Toolbox webgunean: toolbox.understanding-media.eu. Prestakuntzak ahalik eta modu hoberenean egin ahal izatea da sustatzaileen asmoa, eta, oraingoz, ingelesez, frantsesez, alemanez, txekieraz eta finlandieraz daude gidak. «Hungarierazko eta euskarazko itzulpenak falta dira. Baina espero dugu udarako euskarazko gidak webgunean jarriak izatea», iragarri du Mikel Etxebarria Radiokultura Internet bidezko irratiaren koordinatzaileak.

Lapurdiko irratiarekin batera, beste honako hauek dira proiektuko partaideak: Freies Radio Wuste Welle (Tubingen, Alemania), Radio Expert (Brno, Txekiar Errepublika), Tilos Radio (Budapest, Hungaria), Radio Robin Hood (Turku, Finlandia) eta Near FM (Dublin, Irlanda). Irratiotako hainbat kazetarik Baionan aurkeztu zuten atzo Toolbox atari digitala. Europako Erasmus+ programaren sostenguari esker garatu dute.

Etxebarriak nabarmendu du tresna «deneri irekia» dela, eta gida guztiak creative commons lizentzia irekiarekin jarri dituztela. «Beraz, Europako edozein biztanlek edo elkartek erabiltzen ahal du Toolbox». Irratigintza ikasi edo erakutsi nahi duen ororentzat baliagarria izango da tresna berria, Radiokulturako koordinatzaileak azaldu duenez. «Adibidez, oso interesgarria izan daiteke irrati batera langile edo boluntario berriak iristen direnean. Irakasleek, gehienetan irratietako kideek, hobekiago antolatu ahalko dituzte prestakuntzak».

Gidak lau sailetan daude banatuta: kazetari gaitasun edo kalifikazioak, produkzioari dagozkion kalifikazioak, irratiaren bidezko hedapena eta hedabideen ulermena. Gidak «ludikoak, ulerterrazak eta oso praktikoak» direla esan du Radiokulturako kideak. «Iraupenak ere eramangarriak dira: ordu bat egun bat artekoak daude».

Etxebarriaren arabera, tresna berriaren bitartez komunikabideek eskaintzen duten informazioaren «irakurketa» egin nahi dute: «Baita artikuluen idazketaren ariketa ere, pluralismoa eta aniztasuna oinarri hartuz». Irratigintza ikasteko modu berriak eskainiko ditu tresnak, baina beste helburu batzuk albo batera utzi gabe. «Esate baterako, hedabideen artean herritartasun ekintzak bultzatuko ditu».

Europako irratien artean esperientziak partekatzearekin gustura dira Radiokulturan, eta beste egitasmo bat garatzeko lehen pausoak ematen ari dira.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAGOBA MANTEROLA / FOKU

«Emakume informatikari erreferenteak behar dira»

Unai Etxenausia

II. Gladys saria jasoko du gaur Perez de Viñasprek. Gaztea izan arren, ibilbide oparoa du informatikan. Nabarmendu duenez, gustatzen zaizkion ikerketak egiten aritu nahi du aurrerantzean ere.
Txikiren ama Antonia Maria Manot, haren semearen hiletan. ©BERRIA

Ez ahanzteko ariketak

Gotzon Hermosilla

Natalia Ginzburg idazleak testu bat argitaratu zuen garai hartako prentsan 1975eko irailaren 27ko fusilamenduen harira. Orain, testu hori euskarara ekarri du Josu Zabaletak; itzultzaileak FRAPeko hiru kondenatuak ezagutu zituen espetxean.
Fusilamenduen 40. hurrenarekin batera Vigon herri-harpidetzaz ezarritako iragarkia. ©INFO.NODO50.ORG

Fusilaturik isilgordeena, Garcia Sanz

Miel A. Elustondo

1975eko irailak 27 beti. Frankismo garaiko azkeneko bost fusilatuak. Sanchez Bravo, Garcia Sanz, Baena, Txiki, Otaegi. Haien ondoan militante ez gutxi, heriotzara kondenatuak izanak, zigorra kommutatuak. Askoren artean, Manuel Blanco Chivite. Bizi-bizirik du egun haietako oroitza samina. Ilun beltzaren muturrerainoko bidaia. Azkena.
Imelda Staunton aktorea, Elizabeth II.aren paperean, <em>The Crown</em> telesailean. ©NETFLIX

Netflixen sasoi berria: zaharrak berri

Enekoitz Telleria Sarriegi

AEBetako plataformak bere telesailak eta filmak aurkeztu ditu Tudum ekitaldian: 'The Crown'-en itzulera eta 'The Witcher'-en prekuela, esaterako

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.