Albistea entzun

Eusko Jaurlaritzak azpidatzi gehiago zabalduko ditu datozen asteetan

Aurten ere lankidetzan ariko da Jaurlaritza Movistar+ekin, filmen eta telesailen azpidatziak egiteko
Sandra Bullock aktorea, <em>Gravity</em> filmeko eszena batean.
Sandra Bullock aktorea, Gravity filmeko eszena batean. BERRIA Tamaina handiagoan ikusi

Urtzi Urkizu -

2017ko otsailak 14

Duela egun batzuk, Eusko Jaurlaritzak 279 filmen eta 24 telesailetako 225 atalen euskarazko azpidatziak eskegi zituen Open Data Euskadi atarian. Kultura eta Hizkuntz Politika Sailaren eta Canal+ ordainezko katearen artean 2014-2016 eperako egindako lankidetzari esker azpidatzi zituzten lan horiek —lehen bi urteetakoak—. Sail berak iragarri du datozen asteetan iazko telesail eta film gehiagoren azpidatziak eskegiko dituztela. Hiru urteko epean, 548 film eta 67 telesailetako 600 atal azpidatzi zituzten.

Canal+ katea #0 da orain, eta Movistar+ plataformaren parte da. Aurten ere, Jaurlaritza Movistar+ekin ariko da lankidetzan. «Movistar+ Estrenos katean ikusgai egongo diren atzerriko hizkuntzetako zinema eta fikzioko telesailak euskaraz azpidatzita ikusteko modua edukiko da», azaldu dute Kultura eta Hizkuntz Politika Saileko iturriek. «Aurrekontuen zirriborroan kontu sail bat izango da, iazko kopuru berarekin, horrelako egitasmoak bultatzeko».

Jaurlaritzak nabarmendu du Open Data Euskadi atarian jarritako azpidatziak norbanakoek zein elkarteek erabil ditzaketela. «Elkarteek ere erabil ditzakete programatzeak egiteko. Jakina, programatzen dituzten ekoizpenen eskubideak izan behar dituzte, eta horiei azpidatziak gehitzeko aukera dute». Kultura eta Hizkuntz Politika Sailak gogorarazi du Filmazpit egitasmoari esker hainbat filmen eskubideak elkarteen eskura jarri zirela programazio ez komertzialak egin ditzaten. «Ezin dute kobratu».

Jaurlaritzak nabarmendu du, bestetik, Netflix eta halako plataformekin biltzeko asmoa duela, eta «zerbait egiteko proiektuak sor daitezkeela». Gaur egun, Netflixen film bakarra dago euskaraz ikusgai. HBO Españak, berriz, adierazi du, «oraingoz», ez duela euskarazko eta katalanezko azpidatziak jartzeko asmorik. «Ikusi beharko da haien jarrera zein den», gaineratu du Jaurlaritzak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Iruñeko Braulia erraldoia Udaletxe plazan dantzan, 2019ko irudi batean. ©Jagoba Mantero, FOKU

Braulia erraldoiaren dantza, haurren izu

Berria

Herritarrak hunkitu ditu azken egunotan Iruñerrian zabaldutako bideo batek: irudiotan, Iruñeko Braulia erraldoiaren dantza, lau begi gazte balkoian, eta ate danbateko bat, izuaren izuz.

Txikiren ama Antonia Maria Manot, haren semearen hiletan. ©BERRIA

Ez ahanzteko ariketak

Gotzon Hermosilla

Natalia Ginzburg idazleak testu bat argitaratu zuen garai hartako prentsan 1975eko irailaren 27ko fusilamenduen harira. Orain, testu hori euskarara ekarri du Josu Zabaletak; itzultzaileak FRAPeko hiru kondenatuak ezagutu zituen espetxean.

 ©JAGOBA MANTEROLA / FOKU

«Emakume informatikari erreferenteak behar dira»

Unai Etxenausia

II. Gladys saria jasoko du gaur Perez de Viñasprek. Gaztea izan arren, ibilbide oparoa du informatikan. Nabarmendu duenez, gustatzen zaizkion ikerketak egiten aritu nahi du aurrerantzean ere.
Fusilamenduen 40. hurrenarekin batera Vigon herri-harpidetzaz ezarritako iragarkia. ©INFO.NODO50.ORG

Fusilaturik isilgordeena, Garcia Sanz

Miel A. Elustondo

1975eko irailak 27 beti. Frankismo garaiko azkeneko bost fusilatuak. Sanchez Bravo, Garcia Sanz, Baena, Txiki, Otaegi. Haien ondoan militante ez gutxi, heriotzara kondenatuak izanak, zigorra kommutatuak. Askoren artean, Manuel Blanco Chivite. Bizi-bizirik du egun haietako oroitza samina. Ilun beltzaren muturrerainoko bidaia. Azkena.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Urtzi Urkizu

Informazio osagarria

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.