Noiz sortua: 2014-12-13 00:30:00

Zuriñe Hidalgok eta Tor magoak aurkeztuko dute 'Sorgintxulo' saioa

4-12 urte arteko neska-mutikoentzako saioa ETB1en emango dute; ETB3n ere lekua izango du
Aitor Bilbao (Tor magoa) eta Zuriñe Hidalgo (Hesian) izango dira ETBko <em>Sorgintxulo</em> saio berriaren aurkezleak.
Aitor Bilbao (Tor magoa) eta Zuriñe Hidalgo (Hesian) izango dira ETBko Sorgintxulo saio berriaren aurkezleak. EITB

Urtzi Urkizu -

2014ko abenduak 13
«Goizeko iratzargailu alaia» izateko asmoz, urtarrilean Sorgintxulo saioa estreinatuko du ETBk. 2008. urtetik, Euskal Telebistak ez du egin ekoizpen propioko haurrentzako saiorik. Zuzen izan zen azkena, Joseba Olagarairekin. ETB1ek goizero 07:00etatik 09:00etara emango du programa berria, eta ETB3ko programazioan ere aurkitu ahalko dira saioko edukiak eguneko beste ordu batzuetan —Nafarroan ezin da ikusi ETB3—.

Hiru pertsonaia izango dira Sorgintxulo-ren gidariak: Zuri sorgina (Hesian musika taldeko Zuriñe Hidalgo), Tor magoa (Aitor Bilbao) eta Gorritxo galtzagorria. ETBk azaldu duenez, Zuri «alaia, zuzena eta gozoa» da; Tor, «apur bat baldarra, baina denetarik dakiena»; eta Gorritxo, «jostalari eta bihurria».

Baleuko ekoizpen etxearen eta ETBren artean ekoitziko dute saioa; Baleukon hainbat urtetan aritu zen kudeatzaile lanetan egungo ETBko zuzendari Edu Barinaga. Udan, kargua hartu eta gutxira, honako hau iragarri zuen: «ETB1en izango dugu haurrentzako eta gazteentzako saio bat».

Idurre Cajaraville Baleukoko ekoizpenburuak nabarmendu du haur euskaldunentzat «espreski» egindako saio bat izango dela Sorgintxulo: «Gure izaera propioa aldarrikatu nahi dugu, gauzak egiteko eta pentsatzeko modu desberdina dugulako, ez besteena baino hobea, baina bai desberdina». Musika, magia, zientzia, efemerideak, euskara eta askotariko eduki hezitzaileak izango dira saioan. Euskal ondareari lotutako edukiak izango dira, eta lehiaketak ere egingo dituzte. Era berean, neska-mutikoentzako ezagunak diren marrazki bizidunak tartekatuko dituzte: Doraemon, Banana Cabana, Gumballen mundu harrigarria, Aita-amabitxi magikoak eta Shaun arditxoa.

Baleukoko ordezkariak gogorarazi du hainbat telebista kate daudela goizeko ordutegian etengabe marrazki bizidunak ematen. «Baina gure saioa propioa izango da; gure labela izango du, eta hori aldarrikatu nahi dugu. Gure ardura izango da neska-mutikoek irribarre bat aurpegian marraztuta eramatea etxeko atetik irten eta eskolara bidean abiatutakoan».

ETBk ere nabarmendu du programak «euskal izaera eta ondarea» hartu dituela oinarri, ETB1eko goizak magiaz eta umorez zipriztintzeko.

Bestalde, Sorgintxulo saioaren pertsonaia nagusiekin osatutako liburuxka bat argitaratu dute. Egunotan Mungiako (Bizkaia) Olentzeroren etxean banatuko dute, doan —Durangoko Azokan ere banatu zuten—.

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

Gizon bat, Zagreben. ©ANTONIO BAT / EFE

Sakelakoen kokapena jasoko du Madrilek

Berria

Telefonica, Orange eta Vodafone konpainiek euren sareak erabiltzen dituzten sakelakoak non dauden kontrolatuko dute, eta informazioa Madrilgo Gobernuari emango diote. Koronabirusaren aurkako borrokan, populazioaren inguruko mugimenduei buruzko datuak biltzea da asmoa, Madrilen arabera, eta, gaineratu duenez, ikerketak ez ditu “gizabanakoen mugimenduak atzemango”, baizik datu “anonimoak eta multzoka”.

Donostiako ospitaleko langile batzuk, mobilizazio batean ©Jon Urbe (Foku)

Osasuna bermatzen ez duten enpresak, fiskaltzara

Jokin Sagarzazu

LABek langileen kexak igorriko dizkio, zigor instrukzioko prozesuak ireki ditzan eskatzeko. Ohartarazi du oinarrizko zerbitzu batzuetan «kolapso egoeran» daudela. Materiala bermatzeko eskatu dio ELAk EAEko Auzitegi Nagusiari.

Murga, Urkullu eta Beltran de Heredia, diputazio iraunkorrean telematikoki azalpenak ematen. ©/ Irekia

Urkulluk esan du «neurri zorrotzak» hartu dituztela; oposizioak, berriz, «gardentasun falta» salatu du

Irati Urdalleta Lete

Iñigo Urkullu lehendakariak azalpenak eman ditu Eusko Legebiltzarreko diputazio iraunkorreko bilkuran, EH Bilduk hala eskatuta

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna