Hasier Etxeberria hil da. IRITZIA

Letren lurraldera

Aritz Galarraga - Literatura irakasle eta kritikaria

2017ko martxoak 30

Hasier Etxeberria joan da, diote. Inoiz etorri izan zen gurera, ordea. Zer eta mahai-inguru batean parte hartzera. Periodikoan telebistari buruz-edo idazten genuelako jarri gintuzten haren ondoan. Esan baino entzun egin genuen gehiago, ikasi. Eta ez bakarrik mahaiaren bueltan: egun osoko master class bat izan zen hura. Nola egiten den literaturari buruzko saio bat euskaraz. Nola irauten duen hainbeste urtean zehar pantailan. Nola batzuetan lagungarriak diren irudimena, malezia, zolitasuna halako tarte bat aurrera eramateko. Jakingarria izan zen entzutea, adibidez, nola gobernatu zuten Paul Austerren bestondoa, nola salbatu zuten Claude Lanzmannen zakur aldartea. Baina, besteren gainetik, egun hartan ikusi genuen badela Euskal Telebista maite duen jendea, Euskal Telebistako langiletzat daukana bere burua, eta jende horrek tira egiten badio, bada, agian ez dagoela den-dena galdua. Aterako dela agian ETB aurrera. Ez agian orain ezagutzen dizkiogun ezaugarriekin; bai agian ekarrita neurri arrazoizkoagoetara. Ez agian audientziak eta portzentajeak eta numeroak pilatzearekin obsesionatuta; bai agian bueltatuz hasieretako asmoetara.

Literaturaren bitartez izan nuen Hasier Etxeberriarekin lehen harremana. Haren liburuak, haren irakurketak, haren kontaktuak. Telebista etorri zen gero. Eta hor ere asko ibili arren —Zopa haundi, Arkupe, Farenheit, Beti eskamak kentzen, Babel, Ez dago larrosarik—, Sautrela-rekin lotuta gogoratuko dut beti, noski. Berriz ere literaturara buelta —bakoitza bere bizioak bizi du, zer nahi duzue—. Ikustea Marie Darrieussecq, Quim Monzó, ikustea Antonio Tabucchi, Enrique Vila-Matas, euskal autoreak ikustea. Eta ikustea aurkezle bat horien guztien tamainan, egonarriz, savoir-faire miresgarri batez, gure Bernard Pivot partikularra. 2016ko ekainaren 25ean aurkeztu zuen azken aldiz Sautrela. Ikus-entzuleari eskerrak emanez agurtu zuen ekinaldia: «gaur dugu azkena; baina irailean, dena ondo bidean badoa, hementxe egongo gara, osasunak laguntzen badigu, bederen». Osasunak ez zion lagundu. Baina Sautrela-k jarraitu du aurrera, jarraituko du, jarraituko duten bezala Hasierrek utzitako lan guztiek. Guk gure partetik, eta hark gaztigatu bezala, jarraituko dugu zintzo ibiltzen. Ala ez. Hasier Etxeberria joan da, diote. Zalantzarik ez daukat, literaturaren eta letren lurraldera.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Osasun langileak PCR probak egiten Donostiako Okendo kultur etxean, ostiralean. ©Gorka Rubio/FOKU

500 positibo baino gehiago atzeman dituzte Euskal Herrian

Berria

Bizkaian behera egin dute kasuek: 211 positibo izan dira. Neurriak indartzearen alde agertu dira hiriburuetako alkateak. Ortzaizen, Nafarroa Beherean, hiru pertsonari atzeman diete COVID-19 gaitza.

Neurri bereziak dituen taberna bat, Donostian. ©Gorka Rubio / Foku

Bizkaiko eta Gipuzkoako ostalariek salaketa jarriko dute gaueko aisialdia mugatzearen aurka

Andoni Rekondo Izagirre

Uste dute «neurrigabea» dela 01:30ean ixteko agindua, eta laguntza ekonomikoak galdegin dituzte.

Bizkaiko zahar etxe bateko egoiliarrak paseoan. ©Marisol Ramirez/FOKU

Bilboko zahar etxe bateko zortzi egoiliarrek positibo eman dute

Olatz Esteban Ezkati-Irati Urdalleta Lete

Gasteizko zahar etxe bat eta Mutrikuko eguneko zentroa itxi egin dituzte.

 ©Raul Bogajo / Foku

Lanbidek Zaramagako eta Laudioko bulegoak itxi ditu, bi langilek positibo eman dutela eta

Andoni Rekondo Izagirre

Bulegoetako gainerako beharginak ere etxera bidali dituzte berrogeialdia pasatzera. Bitartean, tramiteak webgunearen bitartez egin ahal izango dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna