Albistea entzun

Eusko Jaurlaritza gertuago nahi du Uemak Urkijoren «erasoen» harira

Udal aktak euskaraz igortzea legezkoa dela esanez txosten bat egin die gobernuak, baina gehiago egitea nahi dute udalerri euskaldunek
Uemako ordezkariak, Urkijok hartutako neurriak gaitzesteko egindako agerraldi batean.
Uemako ordezkariak, Urkijok hartutako neurriak gaitzesteko egindako agerraldi batean. ANDONI CANELLADA / ARGAZKI PRESS

Arantxa Iraola -

2014ko abenduak 17

«Espero genuen emaitzarik ez du izan bilerak». Uema Udalerri Euskaldunen Mankomunitateko lehendakari Maren Belastegik ez zuen nahiko lukeen adinako babes neurririk entzun atzo Eusko Jaurlaritzaren partetik. Batzarra egin zuen Hakoba herri aginteen arteko koordinazio batzordeak, eta bertan hizpide izan zituzten Espainiako Gobernuaren EAEko ordezkari Carlos Urkijok azken bi urteetan udalerri euskaldunen kontra hartu dituen neurriak. Berriki, esaterako, Gipuzkoako sei udalen aurka egin du, Aduna, Arama, Altzaga, Antzuola, Bergara eta Itsasondokoaren aurka, udal erabakiei buruzko aktak euskaraz igortzea egotzita. Jaurlaritzak agindua zien udalerri euskaldunei txosten juridiko bat, aktak euskaraz egin eta igortzea legezkoa dela aitortuz, eta atzo aurkeztu zien. Baina horrekin bakarrik «erasoei» aurre egiteko aski baliabide ez dutela nabarmendu zuen Belastegik. «Ados, aurkeztu digute txostena, baina orain nork defendatuko du hori?».

Urkijok abiatutako neurrien kontra estrategia zabalagoa behar dela dio Uemak. Izan ere, 81 errekerimendu igorri dizkie jada Espainiako Gobernuko ordezkariak hizkuntzarekin lotutako erabakiengatik, eta ez dira soilik aktak euskaraz bidaltzeagatik. «Ito-ito eginda gaude», azaldu du Belastegik. Udalerri asko oso txikiak direla oroitarazi du, eta aski baliabide ekonomikorik ez dutela aurrez aurre dituzten auzibideei erantzuteko. Mankomunitateak, egoera horrekin kezkatuta, eskatu izan dio Jaurlaritzari epaitegietan agertzeko Uemaren alde, baina horrelakorik ez duela egingo argi esan zieten atzo gobernuko ordezkariek. Beste aukera bat udalak diruz laguntzea litzatekeela esan dute udalerri euskaldunek, abokatuak ordaintzea, baina horren gaineko erantzunik ez die eman oraindik gobernuak. Aztertzekotan eta erantzuna ematekotan geratu dira.

Beste ekinaldi legegile bat

Udal lege berri bat izango du aurki Jaurlaritzak, eta testu horretan, hizkuntzari dagokion atalean, adierazi diete espresuki jasoko dela aktak euskaraz bidal daitezkeela. Lege aldetik, horrez gain, euskarazko jarduna bermatzeko urrats gehiago egin beharko liratekeela uste dute, hala ere, Ueman. Beste ekinaldi legegile bat nahi dute abian, euskararen normalizazioa eragozteko neurri klase oro saihestuko duena. «Parlamentuan gehiengoa badute, urrats hori egin nahi badute», oroitarazi du Belastegik. «Izan ere, jada esan dezakegu Espainiako estatuakhasi duen erasoa ez dela euskal erakundeok hartutako unean uneko erabaki batzuen aurkakoa: euskararen ofizialtasunaren aurkakoa da».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Eusko Legebiltzarreko indar politikoak, Euskaraldiari sostengua adierazten. ©BERRIA

Euskaraldian, alderdi politikoak, erdaldunago

Jon O. Urain - Gotzon Hermosilla

Euskaraldiak ez du ekarri alderdiek euskara gehiago erabiltzea Twitter bidez hedatzen dituzten mezuetan. Zenbaitetan, erabilera apaldu egin da kanpainak iraun duen bitartean

 ©GUILLAUME FAUVEAU

«Lorpen ttipiak behar dira frogatzeko batailak irabazten ahal ditugula»

Oihana Teyseyre Koskarat

Sortu zenean, gai sozialak landu nahi zituen Alda mugimenduak. Beharraren poderioz, etxebizitzaren arloko batailak eraman ditu azken bi urteetan. Orain, bizitegi sozialetako hauteskundeetara aurkeztuko da.
Egunkariak salgai Donostiako kiosko batean. ©GORKA RUBIO / FOKU

Eusko Legebiltzarrak euskarazko hedabideak «babesteko» eskatu du

Edurne Begiristain

EH Bilduk Jaurlaritzari egotzi dio «erdarazko hedabide handiak» lehenestea diru laguntzetan

'Euskararen urtekaria' argitaratuko du bihar BERRIAk

'Euskararen urtekaria' argitaratuko du bihar BERRIAk

Edu Lartzanguren

72 orrialdetan, euskararen inguruan 2022ak eman dituen albiste nagusiak jasoko ditu, zenbait erreportajeren, elkarrizketaren, iritzi artikuluren eta umorearen bidez.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...