Albistea entzun

PRENTSAREN TRANTSIZIO DIGITALA II. Caroline Jamet. 'La Presse'-ko komunikazio presidenteordea

«Hunki nahi dugunaren %75ak tableta dauka»

Papera kasik erabat utzi du, eta digitalaren parioa egin du Quebeceko 'La Presse' egunkariak; tabletako bertsioak 250.000 irakurle ditu egunero, eta 40 minutu iragaten ditu bakoitzak horren irakurtzen, batez beste.
MARIO CAMPANOZZI

Nora Arbelbide Lete -

2016ko otsailak 7 - Baiona

Quebeceko La Presse egunkari frankofonoa lehenetakoa izan da papera uzteko jauzia egin duena ?larunbatetan ateratzen du soilik paperezko bertsioa?. Kanadako Guelph Mercury eta Nanaimo Daily News egunkariek ere papera utzi dute berriki. Caroline Jametek dio papera utzi baino lehen tabletako La Presse + bertsioa garatuz joan direla eta taldearentzat digitalaren parioa irabazten ari direla. Paperezko bertsioak lortutako irakurle kopuru hoberena ?1971koa? gainditua du tabletakoak. 1884. urtean sortu zen La Presse, Montrealen. Orotariko informazioa eskaintzen du.

Zein gogoetek bultzatu zaituzte paperezko edizioa egunero argitaratzeari uztera?

Kazetak zinez osagarri txarrean ziren Ipar Amerikan, gogoeta abiatu genuelarik 2011n. Publizitatearen diru sartzea %63 apaldu zen 2006. eta 2012. urteen artean. Paperak eta banaketa gastuak handiak izaten segitzen zuten, ordea. Eta egoeraren alderantzikatzerik ez genuen ikusten, demografiari begiratuz geroz. Bien bitartean, kontsumitzeko erak aldatzen ari ziren, interakzio eta mugikortasunarekin. Tableta ere garai haietan iritsi zen. Orduan, irakurle gazteak ?25 eta 35 urte artekoak? beste gisa batez nola erakarri pentsatzen hasi ginen. Orrialde zuria jarri genuen mahai gainean, eta hutsetik dena berriz pentsatzen hasi ginen. Enpresa osoki berrantolatuko zuen negozio eredu berria behar genuen.

Orduan sortu zenuten La Presse + tabletako bertsioa; tableta anitz erabiltzen da Quebecen?

25 eta 54 urtekoen artean %52k daukate tableta. Eta kalitatezko egunkari gisa kokatzen garela, hunki nahi dugunaren %75ak dauka tableta. Urtean 100.000 dolar baino gehiago irabazten dituzte artean, %43 biltzen dugu. Publizitate saltzaileentzat goi mailako profila da hori.

Tabletaren bidez zer gehiago ekartzea pentsatzen duzue?

Storytelling-en bidez konta dezakegu informazioa. Grafikoak, argazki galeriak, bideoak eta soinuak gehitzen ahal dizkiogu testuari. Esperientzia biziki intuitiboa da. Horrek izugarri aberasten du edukia. Papera, berriz, bi dimentsiokoa da, usu zuri eta beltza, eta ez da interaktiboa.

Irakurleek nola erantzun dute?

250.000 irakurlek irekitzen dute egunero tabletako bertsioa. Egun bakoitzean 40 minutu pasatzen ditu batez beste, astean zehar; asteburuetan, 60 minutu. Webgunean bi eta hiru minutuko egonaldiak dira batez beste, nahiz eta egunean behin baino gehiagotan sartu.

Horrek eragina izan duke publizitatean, ezta?

La Presse+ dohainik da. Iragarki salmentetan oinarritzen da eredua. Gure irabazien %80 digitaletik dator. Tabletarako ereduan, edukiaren barne da publizitatea. Ikusiz gainera zenbat denbora pasatzen duen irakurleak irakurtzen, publizitatea webgunekoa baino garestiago sal dezakegu.

Denak hain baikorra dirudiela eta, zergatik papera atxiki duzue larunbatetarako?

Larunbateko errituala beste bat delako. Eta oroz gainetik aldaketarako denbora hartu nahi dugulako, irakurleek trantsizioa goxoki egin dezaten.

Langile kanporaketak eragin ditu aldaketak?

Egun aldaketa prozesua hasi baino kazetari gehiago daude. 283 kazetari dira, 633 langile orotara. 2011n 247 kazetari ziren. Trantsizio garaian, ordea, langile berriak hartu genituen gero kanporatzeko, bi modeloak aldi berean eutsi behar genituelako. Baina erredakzio gela bera atxiki dugu. Gertatu dena da, orain, lehenik tabletarako pentsatzen hasten garela, eta gero dugula erabakitzen papererako zer atxiki. Kultur aldaketa sakona da, enpresa osoan.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

1 ©ENEKO SALABERRIA / EZEZAGUNA

Ezkilen hotsak badu ahotsa

Ainize Madariaga

Unescok ondare immaterialeko kultur ondasun gisa onartu du Espainiako Estatuko ezkilen eskuzko jotzea. Iruñeko katedraleko, Iurretako, Aretxabaletako eta Oiartzungo kanpai joleek eman dute beren lekukotasuna. Ipar Euskal Herrian ez da haboro ezkila jolerik atzematen.
 ©NATXO MATXIN EDESA / FOKU

«Gizakia anekdota bat da eboluzioan»

Naroa Torralba Rodriguez

Darwin txarto interpretatua izan da: eboluzioa ezin da ulertu espezie orok Lur planetan duen elkarrekiko dependentziarik gabe. Lotura hori erakusten du Ptqk-k zuzendutako Zientzia frikzioa erakusketak.

 ©GEJA KUIKEN

«Bildtsez idatzitako lehen nobela ez dadila azkena izan»

Olatz Silva Rodrigo

Bildts dialektoan idatzitako lehenengo eleberria argitaratu du Gerard de Jongek. Nortasunari eta kidego batekoa izateko sentimenduari buruzko liburua da. Tradizio baten lehenengo urratsa egin duela adierazi du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...