Albistea entzun

PRENTSAREN TRANTSIZIO DIGITALA IX. Jose Luis Orihuela. Nafarroako Unibertsitateko irakaslea

«Fokua ez da teknologia, jendea baizik»

Komunikazio digitalaren inguruan azkeneko urteetan gertatu diren aldaketak sakon ikertu ditu Orihuelak. Uste du informazioaren kontsumo modu berrien inguruan planteatu behar direla estrategiak.
ANDREU DALMAU / EFE

Urtzi Urkizu -

2016ko martxoak 27

Nafarroako Unibertsitatean komunikazio multimedia gaia irakasten du Jose Luis Orihuelak (Cordoba, Argentina, 1960). 26 herrialdetan baino gehiagotan eman ditu hitzaldiak, komunikazioarekin lotutako liburu ugari idatzi ditu, eta 2002tik www.ecuaderno.com bloga kudeatzen du.

Los medios después de Internet liburuan (UOC, Bartzelona, 2015) azaldu duzu Twitter ondo erabiltzeak kazetaritza hobetu dezakeela. Zer aldaketa ekarri dizkio Twitterrek prentsari?

Twitterrek transformatu egin ditu eskala globalean informazio fluxuen norabidea, bolumena eta abiadura, komunikazioaren aktore guztiak hurbilaraziz. Kazetaritzarentzat, funtsezko tresna bihurtu da, eta hedabideentzat, edukiak ikusarazteko kanal berri bat. Baita iturriekin eta audientziekin komunikatzeko ere.

Liburu berean diozu betiko gauzak modu ezberdinean egiten ikasi behar dela. Baita gauza berriak egin behar direla ere.

Berrikuntza teknologikoek egunkariei eragin diete, baita komunikabide guztiei zein informazioaren menpe dauden erakundeei ere. Eraldatze disruptiboaren kontzientziaren prozesua uste baino mantsoagoa izaten ari da. Ondorioak, berriz, pentsatzen direnak baino sakonagoak dira, berritasunen eraginez.

Etengabe hitz egiten da komunikazio enpresen negozio ereduaren krisiaz. Zein da bidea irauteko?

Negozio eredua enpresen balio katearen parte bat baino ez da, eta iraultza teknologikoak hankaz gora jarri du. Informazio kontsumo, banaketa eta sorkuntzaren pautak modu erradikalean aldatu dira, eta aldatzen jarraituko dute. Ekosistema mediatiko berrian, iraungo dute bizkorren aldatzeko ahalmena dutenek, hobekien egokitzen direnak.

Komunikabide batentzat zer garrantzi du bere komunitatearentzat erreferente izateak, esate baterako, euskal hiztunen komunitatean?

Komunikabide batentzat, merkatuko nitxoak audientzia potentzialen interesek eta benetako beharrek definitzen dituzte. Neurri batean, baita hartzaile horiengana iritsi nahi duten iragarleen existentziak ere. Proiektu editorial osasuntsu baten oinarria dago hor. Dena den, arazoak sor daitezke diru laguntza publikoekiko menpekotasuna handia bada, eta norabideak ez badio erantzuten merkatuaren eskari errealei.

Zer etorkizun du paperak? Epe ertainean jarraituko du?

Aro digitalean, komunikabide baten fokatze estrategikoa ezin da oinarritu plataforma analogikoa mantentzeko saiakeran. Informazioaren etorkizunak du garrantzia, eta ez euskarrien etorkizunak. Euskarriak eraldatuz joango dira etorkizunean, eta gero eta abiadura handiagoan.

Gero eta hartzaile gehiagok gailu eramangarrien bitartez kontsumitzen dute informazioa. Egunkariak modu eraginkorrean ari al dira egokitzen kontsumo aldaketetara?

Komunikabide zaharren erronka nagusia da euskarri historikoen arabera definitzeari uztea, eta estrategiak berriro planteatzea audientzien informazio kontsumoaren modu berrien inguruan. Fokua ez da teknologia, jendea baizik. Eraldatzea pentsatzen dena baino zailagoa da. Desiragarria litzateke egunkariek aldaketak bizkorrago egitea. Dena den, epe ertainera ezin saihestuzkoa izango da eraldaketa.

Marka handiek indarra dute Interneten. Sare sozialetan, informazio unitateek ere indarra hartu dute. Zer analisi egiten duzu?

Erabiltzaileek gero eta interes handiagoa dute kontsumitzen dituzten marken inguruan, eta sarean horiez aritzen dira. Horrek ekarri du sare sozialak bezero arretarako kanal natural bilakatzea. Era berean, gomendioetarako eta kritiketarako espazio garrantzitsu bilakatu dira.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©BERRIA

«Musika ekoizleok artistak ere bagara»

Unai Etxenausia

Musika urbanoa ekoizten hasi zen Denso duela bost urte. Euskal Herrian indarra hartzen ari den generoa dela nabaritzen du. Horregatik, estudio profesional bat irekitzeko apustua egingo du.
Ezkerretik eskuinera, Eider Amundarain Zaldibiako Lardizabal eskolako zuzendaria, Eñaut Agirre eta Zineb el-Ghaouti gurasoak, eta Karmele Perez Huheziko irakaslea. ©ARITZ LOIOLA / FOKU

Eskola denentzat izan dadin

Ane Insausti Barandiaran

Eskolako funtzionamendua euskaraz izan dadin, baina, era berean, edukiak guraso guztiek uler ditzaten, proiektu bat abiarazi dute Zaldibiako eskolan. Guraso euskaldunak eta migratzaileak elkarrekin ari dira baliabideak sortzen. Orain arte egindako bidea aztertu dute, jardunaldi batzuetan.
 ©MARISOL RAMIREZ / @FOKU

«Ipuinetako lizentziak hartu dituzte bertsolariek»

Urtzi Urkizu

Bertsolari Txapelketa Nagusiko ETBko emanaldietan analisiak egiten aritu da Martin, Ilaski Serrano esatariaren alboan. Hala arituko da hilaren 18ko finalean ere, Iruñean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...