Albistea entzun

Euskal Irratiak 'Hitz eta putz' ariko dira arratsaldero

Munduko pilota txapelketaren kontakizuna egingo dute Mexikotik.

Tittika Rekaltek 'Itsumandoka' irratsaio berria aurkeztuko du
Arantxa Idieder esatariak gidatuko du <em>Hitz eta putz</em> magazin berria.</em>
Arantxa Idieder esatariak gidatuko du Hitz eta putz magazin berria. SYLVAIN SENCRISTO

Urtzi Urkizu -

2014ko irailak 10

Lapurdi, Nafarroa Behere eta Zuberoako Euskal Irratiek proiektu berri bat prestatu dute arratsaldeetarako. Hitz eta putz izena jarri diote, eta hilaren 29tik aurrera 17:00etatik 18:00etara entzun ahalko da. «Gaur-gaurko gaien magazin bat izango da, eta asko edango du Interneteko sare sozialetako edukietatik», adierazi du Oihana Dagerre Euskal Irratietako programazio arduradunak. «Berri sailetan aipatu ez, baina Interneten zabaltzen diren gaiak landuko ditugu». Saio berrian hainbat kolaboratzaile izango dituzte, hainbat atal lantzeko: musika, telebista, zinema, nazioarteko gaurkotasuna, irudia...

Iritzi arlo bat ere izango du Hitz eta putz-ek. «Euskal Irratiko kazetarien iritzia sartuko dugu hor, gai bereziei lotuta». Arantxa Idieder izango da irratsaio berriaren aurkezlea —egunotan Goiz Berri saioa gidatzen ari da—.

Dagerrek azaldu duenez, hiru blokez osatuko dute eguna: «Goizean goiz gaurkotasuna lantzen du Goiz Berri irratsaioak, aurten lantalde berri batekin. Ondoren, 10:00etatik 13:00etara kultura, musika eta ekitaldi nagusiak dira protagonista. Horrez gain, arratsaldetako saioak daude, Hitz eta Putz programa berriarekin. Gaikako emanaldiak 19:00etatik 20:00etara dira, eta ondoren egunak ematen duenaren bilduma egingo dugu».

Beste berrikuntza bat astearte gauean izango da: Itsumandoka. Tittika Rekalt esatariak gidatuko du. «Eztabaidak izanen dira, hainbat gonbidaturekin. Iritzi tarte bat izango da, entzuleen ahotsari lekua emanez».

Larunbat goizetan, 11:00etan, musika programa berri bat aurkeztuko du Maia Muruagak. Kultura munduko pertsona bat gonbidatuko du astero, eta kantuen bitartez pertsona hori ezagutzeko aukera izango dute entzuleek. Asteburuetan, halaber, Baiona errugbi taldearen partida guztien kontakizuna egingo dute.

Mexikotik pilota txapelketa

Datozen hiru asteetan, dena den, Euskal Irratietako programazioa berezia izango da, arreta berezia jarriko baitute Mexikon jokatuko den munduko pilota txapelketan. «Bi kazetari izango ditugu Mexikon. Egunero emango dute txapelketaren berri Goiz Berri saioan eta albistegietan. Kirolaz gain, bigarren astean, Mexikoko errealitatea erakutsiko digute», iragarri du Dagerrek. Txapelketako finalak zuzenean emango dituzte hilaren 20an eta 21ean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Gasteizko liburu zaharren eta bigarren eskukoen azokaren 27. aldia da aurtengoa; Urrezko Zeledonen plazan dago. ©RAUL BOGAJO / FOKU

Iragana, liburu zaharretan jasoa

Unai Etxenausia

XX. mendean idatzitako liburuez gozatzeko aukera dago Gasteizko liburu zaharren azokan. Tokiko eta nazioarteko sei erakusmahai daude guztira, eta ekainaren 5era arte izango dira zabalik.
Ontziak badian sartzen, herenegun arratsaldean. <em>Shtandart</em> ontzia da handiena, eta <em>Piueiro</em> haren atzetik doana. ©ANDONI CANELLADA / FOKU

Lehorreko kresala

Enekoitz Telleria Sarriegi

Hasi da Pasaiako Itsas Festibala. 160 ontzi tradizional baino gehiago daude ikusgai badian, eta bihar arte egongo da handienak bisitatzeko aukera. Itsasoari begira eta itsasoaren bueltan atondu dute jaialdia, ondare horren erreferente bihurtzeko asmoz. Ikusmin handia sortu du bigarren ekitaldiak ere, eta jendetza espero dute asteburuan.
 ©MONIKA DEL VALLE / FOKU

«Sukaldaritza tradizionalean ez zen haragi asko erabiltzen»

Amaia Igartua Aristondo

Sukaldari beganoa da Losada; hau da, bakarrik produktu begetalak erabiltzen ditu bere menuak ontzeko. Animalia jatorriko osagairik gabe jaki «zaporetsuak» egin daitezkeela aldarrikatzen du.
 ©APPLE TV PLUS

Dinosauroen erreinurako itzulera

Mikel Yarza Artola

David Attenborough naturaren historiako dibulgatzaile nekaezinak 'Prehistoric Planet' telesaila estreinatu du Apple TV Plusen, 96 urterekin

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...