Albistea entzun

ETB1 eta ETB3 indartzeko eskatu du legebiltzarrak

EH Bilduk eta PSE-EEk erdibideko zuzenketa bat adostu dute.

Talde guztiek onartu dute proposamena; EAJ abstenitu egin da puntu batean
Irailean aurkeztu zuen ETBk programazioa. Ezaugarri jakin batzuk eskatu dizkiote talde politikoek ETBri.
Irailean aurkeztu zuen ETBk programazioa. Ezaugarri jakin batzuk eskatu dizkiote talde politikoek ETBri. L. JAUREGIALTZO / ARP

Urtzi Urkizu -

2014ko abenduak 18

Eusko Legebiltzarrak ETB1eko eta ETB3ko programazioaren inguruko erdibideko zuzenketa bat onartu zuen atzo, eta EITBri hainbat eskaera egin zizkion. EH Bilduk azaroan aurkeztu zuen legez besteko proposamena gai beraren harira, eta PSE-EErekin adostu du orain testua, EITBko Kontrolerako Batzordean. PPk bat egin du bi talde horien eskaerarekin. EAJ, berriz, abstenitu egin da hirugarren puntuan, hain zuzen ere ETB1i eta ETB3ri eskaera zehatzak egiten dizkionean. Hau dio hirugarren puntu horrek: «Eusko Legebiltzarrak EITBko zuzendaritzari eskatu dio ETB1 euskarazko kate generalista bezala indartzen jarraitzeko, eta ETB3 indartuz has dadila haur eta gazteei bideratutako eta formatu berrietan espezializatutako kate gisa, publiko berrietara heltzeko kalitatezko eskaintzarekin». EAJk alde bozkatu du ebazpenaren gainontzeko hiru puntuetan.

Batetik, Eusko Legebiltzarrak berretsi du EITBren sorrera legean euskara eta euskarazko kultura sustatzeko bere jatorrizko oinarrietako 2., 3. eta 4. artikuluetan jasotakoa.

Bestetik, Eusko Legebiltzarrak EITBko zuzendaritzari eskatu dio plan estrategikoan (2013-2016) jasotakoa betetzeko, «audientzia igotzeko eta prestigio soziala irabazteko». Eskaera horretan bereziki nabarmentzen da euskarazko kanalak indartzea, «Euskadiko errealitate soziolinguistikoa aintzat hartuz». Euskarazko audientzia potentziala handiagoa dela aitortzen du zuzenketak, aldi berean.

Laugarren puntuan, Eusko Legebiltzarrak EITBko zuzendaritzari eskatu dio sei hilabeteko epean aurkezteko administrazio kontseiluan, EITBren Kontrol Batzordean eta publikoki, programazio «kontsolidatua, anitza eta erakargarria», adin guztientzat egina. EH Bilduren eta PSE-EEren eskaeraren arabera, programazio horrek «modu orekatuan» izan beharko ditu gaurkotasun, entretenimendu eta dibulgazio edukiak. «Helburuak hezitzailea beharko du, eta euskara eta euskal kulturaren sustapena jaso beharko ditu», dio testuak.

UPDko legebiltzarkide Gorka Maneirok ez zuen parte hartu batzordean.

Murrizketen auzia

2010eko ekainean, Espainiako Gobernuak —PSOE zen agintean— administrazio publiko guztietarako %5eko soldata murrizketa eta, horrez gain, erretiro planetarako ekarpenak erdira jaisteko dekretua onartu zuen. Eragina sektore publiko osora zabaldu zuen Jaurlaritzak. Sindikatuek EAEko Auzitegi Nagusira jo zuten. Aurten, urrian, auzitegiak sindikatuek jarritako helegitea onartu zuen. EH Bilduk murrizketa suposatu zuen dirua EITBko langileei itzultzeko eskatu du, legez besteko proposamen baten bidez. Legebiltzarreko gainontzeko taldeek, ordea, aurka bozkatu dute, eta ez da aurrera atera.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©BERRIA

«Urtubiaren gertukoei gustatu zaie filma»

Urtzi Urkizu

Netflixek Lucio Urtubiaren bizitzari buruzko filma estreinatuko du gaur: 'Un hombre de acción'. Amezkua da gidoilaria, eta azaldu du Urtubiaren bizitzeko moduari eta pentsamenduari fidelak izatea funtsezkoa zela.
 ©EZEZAGUNA / EZEZAGUNA

Iruindarren euritakoak dantzan

Itsaso Jauregi

Iruñean San Saturnino eguna ospatu dute, aterkien azpian. Erraldoirik eta prozesiorik gabeko hirugarren urtea izan da herritarrentzat, baina euriaren azpian kantuan jarraitu dute.
Ezkerretik eskuinera: Ane Garai eta Maialen Oleaga. ©BERRIA

'Kuirpunk' doinuen eztanda

Unai Etxenausia

Perlata eta La Soga del Muerto taldeetako partaideek dena ematen dute oholtzara igotzen diren bakoitzean. Argi daukate jotzeak ematen dien askatasunaz bizi behar dituztela kontzertuak, beti arduraz bizi beharrean.
Hilabete honetan bi aldiz agertu da Belharra, Donibane Lohizune parean. Europako uhinik handiena da. Matt Etxebarne ageri da argazkian, foil taula <em>hegalaria</em> lagun. ©FRANCK LAPUYADE

Belharra: hogei urteko mugarria

Ainize Madariga

Hogei urte bete dira Donibane Lohizuneko Belharra uhin erraldoiaren gainean surf egin zutela lehen aldikoz. Axi Muniainek arraunean ere igan zuen lehentze, 2013. urtean. Gero eta haboro dira ausartzen direnak orain: Matt Etxebarne da haietako bat. Baina denek oroitarazi dute lanjer handia.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.