'Zientzia gizarteratzea helburu' artikuluari erantzuna

Antton Alberdi eta Iñaki Odriozola - Natur Zientzien, 2. Topaketako antolatzaileak

2015eko azaroak 24

Duela egun batzuk, Juan Ignacio Perez EHUko Kultura Zientifikoko Katedrako koordinatzaileak eta errektore ohiak Natur Zientzien 2. Topaketan antolatu dugun mahai-inguruari kritika egin zion, zientzia-ezagutza eta pseudozientzia maila berean jarri genituela iritzita. Perez duela bi urteko topaketako mahai-inguruan izan genuen, eta hala zioen aurtengoari buruz bere iritzi-artikuluan: «Nekazaritza biodinamiko edo tenporak bezalako kontuetan interesatuta daudenek badituzte euren foroak, eta zientziaz aritzen garenok gure foroetan ez ditugu zertan barne hartu zientifikoki kontrastatu gabeak diren praktikak». Mahai-inguru horretan zientziaren eta komunikabideen arteko erlazioaren inguruan eztabaidatzeko aukera izango dugu bertaratutako guztiok Urko Aristi (EITB), Miren Bego Urrutia (EHU), Bego Zubia (Elhuyar) eta Jakoba Errekondorekin batera. Perezen iritziarekin bat ez gatozenez, gure iritzia plazaratzea gustatuko litzaiguke.

Topaketaren antolatzaileak zientzialariak gara; ongi ezagutzen ditugu giza kognizioaren errore eta alboratzeak, eta horien eraginak murrizteko metodo zientifikoak eskaintzen dizkigun abantailak. Hala ere, oso kontziente gara Euskal Herriko biztanleriaren gutxiengoak ulertzen dituela zientzia jardunaren oinarriak, eta are gutxiagok erabiltzen dituela metodo zientifikoak eguneroko bizitzan; jendeak ez ditu esperimentuak, paperak eta p-balioak erabiltzen zertan sinetsi eta zertan ez erabakitzeko. Jendeak telebista ikusten du, egunkariak irakurtzen ditu eta irratia entzuten du, eta hortik jasotzen duen informazioarekin osatzen du bere iritzia, hein handi batean. Horrexegatik, ezinbestekoa iruditzen zaigu zientziak komunikabideetan izan beharko lukeen rolaz eta komunikabideek zientzian izan beharko luketenaz eztabaidatzea.

Gizakion hutsetako bat da norbere sinesmenekin bat datozen datuak eta ideiak norbereganatzea, eta gustuko ez ditugunak baztertzea, distortsionatzea edo ez sinestea. Francis Baconek berak antzeman zuen joera hori duela ia 500 urte. Zientzialariak garen aldetik, beraz, gai baten inguruko iritzi, datu eta argudio guztiak ezagutzea ezinbestekoa iruditzen zaigu. Zientziaren, ezagumenduaren eta komunikabideen arteko erlazioa aztertu nahi dugun honetan, ziur gaude ezinbestekoa dela komunikabideen eta zientziaren arteko harremanaren inguruan ikuspegi ezberdinak izan ditzaketen pertsonak gonbidatzea. Garbi dugu ideia batzuk besteei gailenduko bazaizkie ez dela inposizioaren eta autoritarismoaren bidetik gertatuko, eztabaidaren eta arrazoiketaren bitartez baino. Kontua, beraz, ez da zientzia eta bestelako ezagumenduak maila berean jartzea, gai baten inguruan perspektiba ezberdinetatik eztabaidatzea baino. Gainera, formula egokia dela uste dugu zientziari esker gizarte hobe batera joateko, eta ikuspuntuen dibertsitateari esker zientzia hobea egiteko. Azkenik, Natur Zientzien Topaketa ez da zientzialarien biltzar bat soilik, naturaren inguruan lanean dabilen zein natura atsegin duen jendearen bilgunea baizik. Izan ere, ez dugu uste aukera egokiena denik «gure» biltzarrak egitea gero «beraiei» lezioak emateko. «Beraiek» eta «guk» norberak bere esparruan eztabaidatuz gero, inoiz ez da egongo batak bestea ulertzeko edo konbentzitzeko aukerarik.

Beraz, gonbita egin nahi diogu Juan Ignacio Perezi zein gai honetan interesa duen edonori, datorren azaroaren 28an, Donostiako Eureka museoan egingo den Natur Zientzien 2. Topaketako mahai-inguruan parte hartzeko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ezkerretik eskuinera, Inma Moro, Itziar Llanera eta Begoña Olaskoaga, Arrondegiko osasun etxean. ©LUIS JAUREGIALTZO / FOKU

Aztarnariak zaintzaile

Maite Asensio Lozano

Koronabirusean positibo eman dutenen gertuko kontaktuak bilatzea baino gehiago da aztarnari sistemako kideen lana: gaitzari eta bakartzeari buruzko informazioa emateaz edota zailtasunak dituztenen jarraipena egiteaz ere arduratzen dira.

PCR proba bat, Donostian. ©Idoia Zabaleta, FOKU

Beste 855 positibo atzeman dituzte Hegoaldean

Uxue Rey Gorraiz

Inoiz baino PCR proba gehiago egin dituzte azken egunean: 14.298, zehazki. Horietatik 855 kasutan detektatu dute birusa. 337 Nafarroan detektatu dituzte. Aurreko egunean, laurehunetik gora izan ziren lurralde horretan, lehenbiziko aldiz.

Miren Basaras, EHUko COVID-19aren Zaintza Batzordeko arduraduna. ©EHU

EHUk Miren Basaras izendatu du COVID-19aren Zaintza Batzordearen arduradun

Mikel O. Iribar

Mikrobiologoa eta EHUko irakaslea da Basaras, eta koronabirusaren ikerkuntzan badu esperientziarik. Zaintza Batzordearen lehen erronka EHUko egoera epidemiologikoa zein den aztertzea izango da. 

Susanna Paavilainen eta haren txakurra, Kossi, Helsinkiko aireportuan lanean, atzo. ©MAURI RATILAINEN / EFE

Koronabirusa atzemateko txakurrak erabiltzen hasi dira Finlandian

Edu Lartzanguren

Helsinkiko aireportuan hasi ziren lanean atzo animaliokin. Azterketen arabera, txakurrok kasuen ia %100 usaintzen dituzte, kutsaturiko pertsonak oraindik sintomarik garatu ez baditu ere.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna