Albistea entzun

Uztaritzeko oihanerako paseoa Ezpeletatik

Paseo samurra izango da, Ezpeleta herritik Uztaritzeko baso txikietarainokoa. Kiribilean ibiliko gara baso horietatik barrena, lasai ederrean, Lapurdiko landa zabaleko eremuan, zuhaiztiz zuhaizti eta latsez lats.
Ikusgarriak dira ibilbide honetako zenbait eremutan ikus daitezkeen paisaiak.
Ikusgarriak dira ibilbide honetako zenbait eremutan ikus daitezkeen paisaiak. GORKA LOPEZ

Gorka Lopez -

2015eko otsailak 24

Ezpeleta erdialdetik irtengo gara, Irazabaleko Bidea kaletik, eta estadioraino jaitsiko; kale horretatixe segituko dugu Latsa ibai gaineko zubiraino. Hura gurutzatu, eta mendi bide bat aurkituko dugu ezkerretara; hortixe doa Itzulia Ttikia izeneko ibilbide balizatua. Zerrenda hori-koloreei segika, galdu gabe ibiliko gara Ezpeletako ingurumarietan, etxe, zuhaizti, bidezidor eta auzo bideetan barrena.

Behin bigarren latsa alderik alde igarota, bidegurutze batera iritsiko gara. Alde batera utziko dugu ibilbide balizatua, zeinak atzera Ezpeletarantz eramango baikintuzke ezkerreko aldetik; hala, bada, eskuinaldetik ageri den mendi bidetik joko dugu, Mandobideko errekatxoaren gainean dagoen muinorantz.

Berdegune uhinduetan barrena, garaiera apur bat hartuko dugu landa zabaleko paisaia horretan, zeinaren hegal hegoaldekoan goratzen baita mendilerro piriniotarra —Larrunen (901 m) soslaia ageri da nabarmen—. Eta hala iritsiko gara D-88 errepidera; hura gurutzatu, eta bestaldeko ibaiertzetik segituko dugu, antzera atondutako bide batetik; hasieran asfaltatua egonen da lurzorua.

Mendi bizkar txikietan zehar ibiliko gara, larrez eta laborez mukuru daudenetan barrena, eta Uztaritzeko oihanak estaliak dituen muinoetarantz joko dugu. Aldapan behera egin ahala, bidezidor batean barneratuko gara, eta, ibilian Donejakue bideko bidegurutze batera iritsiko gara; haren eskuinetara dago Halzabaltza ibaiaren gaineko zubia: oihanerako sarbidea.

Zubia gurutzatu, eta ezkerreko bidetik segituko dugu; handik metro batzuetara, banatu egiten da bidea berriro, eskuinetarantz, eta handik joko dugu, haritz eta gorosti multzo batean barrena, eta hortixe egingo dugu gora. Hurrengo, mendi bide bat aurkituko dugu, eta eskuinetik inguratuko dugu, eta Hardoia basoaren eremutik aurrera egin. Bide horretatik, D-250 errepidera iritsiko gara; hori gurutzatu, eta ezkerretik jota bat egingo dugu bidezidorrarekin.

Errepide ertzetik segituko dugu, zuhaitz handien artean ibiliz, eta Ingelesen Gurutzea aurrez aurre izan arte, zeina errepidearen beste muturrean baitago. Gurutzerantz zeharkatuko dugu bidea, eta eskuinerantz okertuko gara, betiere errepidearen ertzetik eta asfaltoan ezkerretara zabalduko zaigun bide bateraino. Bide hori Ameztihandia eremuan barrena doa, Otxolarrea esparrua bazter utzita eta oihanaren sakonera itzulita, zeinetan barrena baitabiltza Halzabaltzako urak.

Ibilgu txiki horren albotik, oihanera iristeko gurutzatu genuen zubitik joko dugu, eta handik itzuliko gara Ezpeletara; Itzulia Ttikiarekin bat egingo dugu, hasieran alde batera utzitako tokian. Ezpeleta erdialdera egingo dugu zubixka erromatarretik zehar.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Isak gola ospatzen, atzo, Sturm Grazen aurkako neurketan. ©CHRISTIAN BRUNA / EFE

Realak lehen garaipena lortu du Europa Ligan

Jone Bastida Alzuru

Realak irabazi egin du Sturm Grazen aurkako partida: 0-1 gailendu da. Isakek sartu du lehiako gol bakarra, bigarren zatian

 ©SEDIS BASQUET

«Momentuaz gozatzen ari naiz»

Jone Bastida Alzuru

Estatistikek erakusten dute Etxarri sasoi hasiera aparta egiten ari dela: Espainiako Lehen Mailako saskiratzaile nagusia da, partidako batez beste 19,2 puntu bilduta. Hazten segitu nahi du.
Osasunako jokalariak, <em>Chimy</em> Avila-k Vila-reali sartutako gola ospatzen. ©DOMENECH CASTELLO / EFE

Denak bat eginik, gorabidean

Eñaut Agirrebengoa

Osasuna bosgarren postuan iritsiko da Lehen Mailako hamargarren jardunaldira, hasiera itzela osatu eta gero. Miguel Flañoren ustez, oraingo emaitzak azken urteetan hartutako ildoaren segida dira: «Oso egina dago taldea». Gorritxoek onbidean jarraitu nahi dute gaur, Sadarren Granadari irabazita.

 ©MONIKA DEL VALLE / FOKU

«Azken urte eta erdian asko sufritu dut; burumakur nengoen»

Mikel O. Iribar

Azken hamasei hilabeteak ez dira garairik samurrenak izan Zaratamokoarentzat, hainbat arrazoirengatik. Pixkanaka, sentipen «hobeagoak» ditu. Bihar, Lasoren aurkako partida erabakigarria jokatuko du, Zallan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.