Neguan, 'Egun on, Euskadi' saioa ETB1etik ETB2ra pasatuko dute

Urtzi Urkizu -

2014ko urriak 2

Maite Iturbe EITBko zuzendari nagusi izendatu zutenean, ETB1en aldeko apustu argienetako bat goizez gauzatu zen: Egun on, Euskadi saioa gaztelaniazko katetik kendu eta euskarazkoan jarri zuten. Iazko apirilean hasi ziren ematen goizeko lehen albistegia euskaraz, aurrenekoz. Ordutik, Estepan Aldamiz-Etxeberriak eta Olaia Urtiagak gidatu dute saioa ETB1en. Bilboko egoitzan egiten dute programa, lehen orduan albisteak eskainiz, eta 09:00etatik aurrera gonbidatuekin albisteen analisia eginaz.

BERRIAk jakin duenez, urtarrilean Egun, on Euskadi ETB1etik kenduko dute, eta ETB2ra itzuliko da. Hala jakinarazi dio zuzendaritzak saioko lantaldeari. Egun on, Euskadi saioa gaztelaniazko katean hasi zen 2009ko irailean, Vanessa Sanchezek eta Aitzol Zubizarretak gidatuta. ETB2n iraun zuen 2013ko martxora arte.

ETB1ek %1,8ko kuota

Araban, Bizkaian eta Gipuzkoan irailean %1,8ko ikusle kuota izan du ETB1 kateak, abuztuan baino bederatzi hamarreko gutxiago; iazko iraileko datu bera errepikatu du. ETB2k %8,9ko ikusle kuota izan du irailean, abuztuko bera. Iazko irailarekin alderatuz, hamarreko bat galdu du gaztelaniazko kateak. ETB3k %0,8ko kuota izan du.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jendea terrazetan Bilbon, astelehenean. ©Aritz Loiola/FOKU

651 kasu atzeman dituzte Hego Euskal Herrian

Berria

Bizkaian kasu gehien atzeman diren eguna izan da: 402. Osasun Saila eta Bizkaiko Foru Aldundia arratsaldean bilduko dira egoera aztertzeko.

 ©JON URBE / FOKU

«02:00etan, festak ezin du segitu eremu pribatuetan»

Aitor Biain

Herritarren parte hartze handiagoa eskatu dute ostalariek, ardura guztia beren bizkar izan ez dadin. Ataka estuan direla ohartarazi dute, eta babes ekonomikoa galdegin diote administrazioari, helegitea onartu edo ez.

Donibane Lohizuneko plaza, konfinamendu denboran ©Bob Edme

Donibane Lohizuneko ostatu bat hetsi dute

Ekaitz Etxamendi

Pirinio Atlantikoetako departamenduko prefeturak erabaki du Donibane Lohizuneko (Lapurdi) Le Miam ostatuaren hestea bost egunez, zigor gisa. Neurria beterik, gaur ireki dute berriro.

Osasun langileak PCR probak egitn Donostian, iragan astean. ©Gorka Rubio/FOKU

Getxoko Bikain tabernan eta Gasteizko Sagartoki eta Oh Malbec jatetxeetan izan zirenei proba egiteko eskatu die Jaurlaritzak

Berria

Toki horietan izan zirenek beren osasun etxera edota osasun aholkularitzara deitu beharko dute ordua hartzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna