Jolasez jolas, ametsera

Donostia 2016k ekoitzita, 'Uda-gau bateko ametsa' hilabetez emango dute Donostian bi urte barruko udan.

Juan Garziak euskaratuko du
Juan Garzia itzultzailea, Arantzazu Royo (EIZIE) eta Xabier Paya (Donostia 2016), atzoko aurkezpenean.
Juan Garzia itzultzailea, Arantzazu Royo (EIZIE) eta Xabier Paya (Donostia 2016), atzoko aurkezpenean. JUAN CARLOS RUIZ / ARGAZKI PRESS

Juan Luis Zabala -

2014ko irailak 30

Donostia 2016 Europako Kultur Hiriburutzako Ahotsaren Itsasargiaren programazioaren barruan, William Shakespeareren Uda-gau bateko ametsa antzerki lana (A Midsummer Night's Dream jatorrizko bertsioan) estreinatuko dute Donostiako hainbat antzerki eta dantza taldek hiriko Kristinaenea parkean 2016ko ekainaren 21ean, eta gero lau astez jarraian egunero emanaldi bat eskainiko dute gutxienez, haietako bakoitzean gehienez 300 ikusle bilduta. Litekeena da ondoren Euskal Herriko beste hiri batzuetako hainbat parketara ere zabaltzea emanaldiak. Euskaraz, gaztelaniaz eta ingeles modernoz egingo dira antzezpenak. Aktore, musikari, dantzari eta akrobatak ez ezik, sukaldariak ere izango dira parte hartzaile nagusien artean. Ikusleek —sarrera ordainduta— Teseo eta Hipolitaren —obrako pertsonaia nagusien— arteko ezteietako gonbidatu gisa hartuko dute parte, batetik bestera mugituz une dramatikoaren arabera.

Antzerki lanaren itzulpenaz Juan Garzia Garmendia itzultzaile eta idazlea arduratuko da, eta, itzulpen lan horretatik abiatuta, Patxo Telleria aktore eta zinema nahiz antzerki zuzendariak egingo du gidoiaren egokitzapen lana. Garziak egina du itzulpenaren lehen zirriborroa, baina, itzulpen hori «partekatu, gizarteratu, eztabaidatu eta aberasteko», Euskal Itzultzaile, Zuzentzaile eta Interpreteen Elkarteak (EIZIE), Donostia 2016 Europako Kultur Hiriburutza proiektuarekin lankidetzan, hainbat jarduera antolatu ditu, Shakespeareren 'Ametsa' biziarazten egitasmo barruan.

Itzultzailea sukaldean egitasmoko bi saiorekin jarriko da abian Shakespeareren 'Ametsa' biziarazten egitasmoa. Lehen saioan, gaur, Itzulpengintzaren Nazioarteko Egunean, 17:00etan, EHUren Gasteizko campuseko Letren Fakultatean, Juan Garzia, Larraitz Ariznabarreta eta Maialen Berasategi Catalan itzultzaileak —Shakespeareren obran adituak hirurak— ariko dira gidari lanetan. Itzulpengintzako ikasle eta irakasleentzako saioa izango da, baina interesa duen edonork har dezake parte, dela entzule soil moduan, dela iritziak emanez eta ekarpenak eginez. Sukalde-jolas moduan planteatuta dago saioa, eta, horretarako, materiala prestatu eta EIZIEren webgunean ikusgai jarri du Juan Garziak.

Bertso eskoletako teknikak

Bigarren saioa urriaren 30ean izango du Itzultzailea sukaldean egitasmoak, 17:30ean, Donostiako Antigua auzoko Lugaritz kultur etxean. Saio horretan, bertso eskoletako jendearen parte hartzea lortu nahiko da eta sustatuko da bereziki. Uda-gau bateko ametsa bertso neurtu errimadunetan idatzitako obra denez, eta alderdi hori nahitaez kontuan hartu behar denez itzulpen lanean, aztertuko da ea zer gertatzen den bertso eskolan ikasitako teknikak Shakespeareren obra baten itzulpenean aplikatuz gero.

Shakespeareren euskarazko itzulpenei buruzko mahai inguru bat izango da hirugarren saioa, azaroaren 20an, 19:00etan Donostiako Udal Liburutegiko sotoan. Bingen Amezagak, Bedita Larrakoetxeak eta Juan Garziak egindako itzulpenak aztertuko dira zehazki. Laugarren saioa, azaroaren 27an, 19:00etan, Donostia 2016 Gunean, Uda-gau bateko ametsa-ren ingelesezko eta gaztelaniazko bertsioei buruzko solasaldi bat izango da. Angel Luis Pujante eta Juan Garzia mintzatuko dira. Pujante Shakespeareren gaztelaniazko itzulpen askoren egile laudatua da.

Azkenik, Uda-gau bateko ametsa-ren itzulpen amaitua EIZIEren webgunean sareratuko da, abenduaren 3an, Euskararen Nazioarteko Egunean, eta doan jarriko da eskuragai.

Shakespeareren obraren jatorrizko bertsioko testuan, erabilitako neurriak eta errima moldeak aldatu egiten dira pertsonaien ezaugarrien eta haiek obran duten zereginaren arabera, bai eta obraren unearen arabera ere. Horregatik, Juan Garziaren iritziz, «Shakespeareren obretan, Uda-gau bateko ametsa da joko gehiena ematen duena jolaserako».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

618 kasu atzeman dituzte Hego Euskal Herrian

Berria

Bizkaian behera egin dute kasuek; Araban, Gipuzkoan eta Nafarroan, aldiz, igo egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna