Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Lehiatuz gozatu nahi du

Eibarrek ia ezinezkoa du gaur Bernabeun punturen bat lortzea; lehiakor izan ezean astindua jasotzeko arriskua dagoela ohartarazi du Garitanok
Federico Piovaccari, Iscorekin lehian, Eibarrek eta Real Madrilek lehen itzulian Ipuruan jokatutako partidan.
Federico Piovaccari, Iscorekin lehian, Eibarrek eta Real Madrilek lehen itzulian Ipuruan jokatutako partidan. R. BOGAJO / ARP

Julen Etxeberria -

2015eko apirilak 11

Gaizka Garitano ez da kea saldu zalea, eta atzo oso argi utzi zuen, Madrilera abiatu aurretik. «Gure helburua Bernabeun puntu bat lortzea da, baina ez naiz inozoa, badakit oso zaila izango dela». Baina Eibarko entrenatzailea ez da jokatu aurretik ezer galdutzat ematen duenetakoa ere. Horregatik eman zuen abisua jarraian: «Baina ez da ezinezkoa».

Ezinezkoa ez, baina ia-ia. Normalena Eibarrek egurra jasotzea litzateke, lehen itzulian Ipuruan jaso bezala (0-4). Bernabeura bisitan joan den azkeneko taldeari gertatutakoa gogoratu besterik ez dago: Granadak bederatzi gol jaso zituen (9-1). «Inoiz ez da une ona Bernabeura joateko, Real Madril munduko talderik onenetako bat baita. Zelai horretara bisitan joaten diren talde gehienek astindua jaso ohi dute», azpimarratu zuen Garitanok. Hala ere, «gozatzera» joan da Eibar. «Eta Bernabeun gozatu ahal izateko modu bakarra lehiakorrak izatea da, hau da, ondo jokatzea eta aurkaria estu hartzea. Gu irabaztera zelairatuko gara; hori ziur izan».

Eibarko entrenatzailearen arabera, bi modu daude halako partidei aurre egiteko. «Modu bat da hara joatea, esperientzia bizitzea, argazkiak ateratzea, elastikoak trukatzea eta gol zaku batekin itzultzea. Bestea, berriz, 90 minutuz lehiatzea da. Eta hori egiten saiatuko gara gu».

Eibartarrek burua tente egin nahi dute etxerako buelta. Duela 11 urte lortu zuten, Bernabeun estreinakoz jokatu zutenean. Orduan 2-0 galdu zuen Eibarrek Espainiako Kopako final-zortzirenetako itzuliko partidan —bana egin zuten Ipuruan, joanekoan—. Antzeko emaitza batekin ados egingo lukete itzuliko bidaia eibartarrek. Halakoak esatea, hala ere, beti da arriskutsua, inoiz ezin baita asmatu nolakoa izango den neurketaren nondik norakoa.

Cristianok jokatu egingo du

Aurkariari dagokionez, bada berritasunik. Izan ere, Cristiano Ronaldok jokatu egingo du azkenean. Portugaldarra partida bateko zigorra betetzekoa zen, baina Real Madrilek helegitea aurkeztu zion Rayoren aurka epaileak jokalariari ateratako txartel horiari, eta helegite batzordeak onartu egin dio. Ez dira ariko, ordea, ez Kroos, ez Bale, ezta James ere, besteak beste. Eibarren, berriz, Boveda ez da ariko, baina bai Navas eta Piovaccari.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Iago Aspas, Celtaren bigarren gola sartzear. Fernando Pachecok penaltia gelditu zion, baina aurrelariak gola sartu zuen aldaratzea baliatuta. ©ENDIKA PORTILLO / FOKU

Elurretan katigatuta

Eñaut Agirrebengoa

Alavesek ezin izan dio eutsi goraldiari, eta galdu egin du Celtaren aurka. Elurra mara-mara ari zuela erabaki da partida, bigarren zatian, Martinen penalti batekin
Adnan Januzaj, baloiarekin, Valentziaren aurkako partidan. ©JON URBE / FOKU

Oztopoei aurre eginda, pozaldian segitu nahi du

Jon Ander De la Hoz

Realak Espanyolen zelaian jokatuko du gaur, ligan. Merino eta Silva ez dira ariko, min hartuta baitaude, eta Elustondo ere ez, zigortuta baitago
Unai Laso, pilota jotzear, atzo, Labriten jokatutako binakako partidan. ©IDOIA ZABALETA / FOKU

Erne Lasorekin eta Imazekin

Julen Etxeberria

Bizkarreta-Gerendiaingo aurrelariak eta Oiartzungo atzelariak nagusitasunez irabazi diete Peña II.ari eta Albisuri: 22-11

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.