Albistea entzun

Mantobaitatik Ziburumendi eta Intzolara

Ibilbide labur honetan, Ziburumendiko gailur ñimiñotik (411 metro) igaroko gara, eta Intzola ibarreko basoaren freskotasunean barrenduko gara.
Intzola ibaiaren eremu bat. Haren ondotik pasako da ibilbidea.
Intzola ibaiaren eremu bat. Haren ondotik pasako da ibilbidea. GORKA LOPEZ

Gorka Lopez -

2014ko abenduak 2

Mantobaitako landetxera heltzean, haren eskuinean dagoen aparkalekura joko dugu, zeina hesi batek inguratzen duen. Aparkaleku osoa zeharkatu, zidor baterako eskuinaldeko igarobidea pasatu, eta sarreraren bestaldeko muturrera iritsiko gara, hango igarobidea zeharkatzeko.

Hogei metro ibili ostean, ezkerreko bideari helduko diogu, eta, beste metro gutxi batzuk eginda, berriz ere ezkerreko bidea hartuko dugu. Hala, goranzko bidetik joko dugu, hesi baten eta haren atzealdeko larreen paretik. Malda bide hori zaildu egingo da; horri jarraituz, bidegurutze batera helduko gara, eta eskuinetik segituko dugu, baliza urdinaren atzetik.

Gora egin ahala, Lapurdiko kostarako ikuspegia zabalduko zaigu, eta, ezkerrerako bidexka bat topatzean, handik jo, eta sigi-saga ibiliko gara iratzez estaliriko hegalean zehar. Bide horrek berehala eramango gaitu landa kapera batera; haren atzean dago Ziburumendiko tontor arbola gabea, gurutze bat eta Ama Birjina bat dituen zutarri batekin.

Kosta gaineko ikuspegi paregabe horretatik, ezkerreko bideari eutsiko diogu, zeinak Larrungo magalen parean lagako baikaitu. Gero, ezkerreko bidexka hartuko dugu, eta muinoaren ertzetik ibiliko gara, harrizko bidetik behera eginez Deskargako lepoko belardi txikiraino. Han, GR-10 bideari batuko gatzaizkio Benta Intzolaraino; eskuinera egin, eta ezkerreko beheranzko bidetik abiatuko gara.

Basoan barneratu, eta, GR-10 bideko balizen argibideei kasu eginez, beherako bidea amaituko dugu Benta Inzolara daraman zubian. Zubia igaroko dugu, baina benta saihestu, eta Intzola ibaiaren ertzeko basabideari ekingo diogu, Ibardin aldera joango bagina bezala. Ibilbide lasaigarri horretan, behinola erromatarren komunikabide izandako baten lauzen geldikinak zapalduko ditugu.

Intzolaren ibaiadar bat zeharkatu ondotik, eskuinera hartuko dugu, GR-10 bidea utziz eta hori koloreko balizei segituz. Hurrengo bidegurutzea pasatu eta gero, ibaiertzaren albo-albotik ibiliko gara. Aurrera eginez, zelai batera helduko gara; langa kanadar bat topatuko dugu han, eta pista bat haren atzean. Hango errotuluari kasu egin, eta, langa igaro gabe, eskuinetik egingo dugu aurrera, Mantobaitako landetxeraino.

Intzola ibaiaren urak iragango ditugu bi enborrez eginiko zubi berezi batetik, eta Ziburumendiren oinarriaren ertzean dagoen bidezidorretik joango gara, iratze sail batetik, zuhaizti bat zeharkatuz, non atentzioa emango digun bertako gorosti mordoak. Bidexka batekin bat egin, eta ezkerretik joko dugu; aldapa bat igo, etxe pare baten aurretik igaro, eta Mantobaitako aparkalekura ailegatuko gara.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Isak gola ospatzen, atzo, Sturm Grazen aurkako neurketan. ©CHRISTIAN BRUNA / EFE

Realak lehen garaipena lortu du Europa Ligan

Jone Bastida Alzuru

Realak irabazi egin du Sturm Grazen aurkako partida: 0-1 gailendu da. Isakek sartu du lehiako gol bakarra, bigarren zatian

 ©SEDIS BASQUET

«Momentuaz gozatzen ari naiz»

Jone Bastida Alzuru

Estatistikek erakusten dute Etxarri sasoi hasiera aparta egiten ari dela: Espainiako Lehen Mailako saskiratzaile nagusia da, partidako batez beste 19,2 puntu bilduta. Hazten segitu nahi du.
Osasunako jokalariak, <em>Chimy</em> Avila-k Vila-reali sartutako gola ospatzen. ©DOMENECH CASTELLO / EFE

Denak bat eginik, gorabidean

Eñaut Agirrebengoa

Osasuna bosgarren postuan iritsiko da Lehen Mailako hamargarren jardunaldira, hasiera itzela osatu eta gero. Miguel Flañoren ustez, oraingo emaitzak azken urteetan hartutako ildoaren segida dira: «Oso egina dago taldea». Gorritxoek onbidean jarraitu nahi dute gaur, Sadarren Granadari irabazita.

 ©MONIKA DEL VALLE / FOKU

«Azken urte eta erdian asko sufritu dut; burumakur nengoen»

Mikel O. Iribar

Azken hamasei hilabeteak ez dira garairik samurrenak izan Zaratamokoarentzat, hainbat arrazoirengatik. Pixkanaka, sentipen «hobeagoak» ditu. Bihar, Lasoren aurkako partida erabakigarria jokatuko du, Zallan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.