Albistea entzun

Hiru demo garatu dituzte, hizketa teknologiak oinarri

Elkarola partzuergoan elkar hartuta ari dira bost eragile, eta han garatu dituzte demoak. Garatzen segituko dute, «luze gabe» merkaturatzeko
Elkarolako eta Jaurlaritzako ordezkariak, atzoko aurkezpenean.
Elkarolako eta Jaurlaritzako ordezkariak, atzoko aurkezpenean. J.C. RUIZ / ARP

Garikoitz Goikoetxea -

2017ko ekainak 20

Hamabost urte joan dira hizkuntza teknologien esparruan ikerketan hasi zirela Euskal Herrian, eta azken urteetan Elkarola partzuergoan ari dira. Hauek elkartu dira: Elhuyar, EHUko Ixa eta Aholab ikerketa taldeak, Vicomtech-IK4 eta Tecnalia. Hizketa teknologietan oinarritutako hiru demo garatu dituzte azkena, eta atzo eman zuten horien berri. Hiru arlotan ari dira bereziki: fabrikazio aurreratuan, osasunean eta biozientzietan, eta lurraldearen arloan. Hizkuntzarekin lan egiteko gai diren demoak sortu dituzte. Gehiago garatzea dute helburu. «Espero dugu luze gabe emaitzak aplikazio errealetan gauzatu eta merkaturatzea», esan du Igor Leturiak, Elhuyarreko arduradun eta Elkarolaren koordinatzaileak.

Bi esparrutan ari dira lanean. Batetik, oinarrizko ikerketan: 85 argitalpen zientifiko egin dituzte hizkuntza teknologien inguruan; bestetik, ikerketa aplikatuan: besteak beste, zortzi patente dituzte.

Hiru demo aurkeztu zituzten atzo. Lurraldearen arloarekin lotuta, bezeroei arreta emateko gailu bat garatu dute: gai da lehenbiziko galderak egiteko eta kontsulta dagokion sailera bideratzeko; ahoz zein idatziz funtzionatzen du. Osasunaren arloari dagokionez, demoaren oinarria da gaixotasunen eta sendagaien arteko erlazioak egitea. Eta fabrikazio aurreratuaren esparruan, errealitate aurreratuko telelaguntza sistema bat garatu dute, aditu baten eta langile baten artean erabiltzeko ?matxurak konpontzeko, adibidez?. Hizkuntzen itzulpen automatikoa ere egiten du demoak.

Eusko Jaurlaritzaren laguntza izan dute, eta Iosu Madariaga Teknologia eta Estrategia zuzendariak iragarri du aurten ere jasoko duela laguntza Elkarolak. Estibalitz Alkorta Euskara Sustatzeko zuzendariak nabarmendu du «sekulako loraldia» nabari dela hizkuntza teknologien esparruan, eta euskararentzat «bideak zabaldu» egin behar direla hor ere, «arlo hori estu lotua baitago besteekin». Adierazi du euskara «posizio onean» dagoela, baina lanean jarraitu beharra dagoela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

EH Baiko kideen prentsaurrekoa Ahetzen, atzo. ©BERRIA

Luxuzko etxebizitza proiektu bat salatu du EH Baik Ahetzen

Ekhi Erremundegi Beloki

Laborantza lurrak desagerrarazi eta bigarren etxebizitzak eraikiko dituztela salatu dute. Apirilean onartuko dute Bizitegien Tokiko Plana
Martxoaren 3an hil zituzten langileen omenezko monolitoa, atzo. ©E. PORTILLO / FOKU

Egia, justizia eta erreparazio eskaerak egin dituzte eragile sozial eta politikoek

Lander Muñagorri Garmendia

Martxoaren 3ko biktimen memoria gunean eragileek parte hartu behar dutela aldarrikatu du EH Bilduk. Jaurlaritzak esan du hala izango dela
Gurutzetako ospitaleko ZIU gela bat, artxiboko irudi batean. ©ANDONI LUBAKI / FOKU

65 pertsona hil dira koronabirusak jota azken astean Hego Euskal Herrian

Uxue Rey Gorraiz

Irail bukaeratik birusarekin jende gutxien hil den astea izan da aurrekoa. 397 kasu atzeman dira, eta presioa handitu da ZIUetan: 147 daude

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna