Euskal Herriaren historian bidaiatzeko gonbidapena

'Lur eta Amets, Euskal Herriaren historia' egitasmoa sortu dute Elkarrek, Ikastolen Elkarteak eta Katxiporretak, gaztetxoentzat.

Ezagutza liburu bat, ipuinak, mahai joko bat eta webgune bat osatu dituzte, oraingoz
Proiektua sustatu duten eragileetako ordezkariak, atzo, Donostian.
Proiektua sustatu duten eragileetako ordezkariak, atzo, Donostian. G. RUBIO / ARP Tamaina handiagoan ikusi

Ainhoa Sarasola -

2015eko urriak 30

Euskal Herriaren historia ezagutzeko aukera eskurago jarri diete haurrei zein gaztetxoei Ikastolen Elkarteak, Elkar argitaletxeak eta Katxiporretak. Hiru eragileek elkarlanean pentsatu eta gauzatu dute Lur eta Amets, Euskal Herriaren historia egitasmoa. Historiaren pasarteak zorroztasunez ez ezik, umorez, irudimenez eta jolasez zipriztinduta eskaini dizkiete. Ezagutza liburu bat, hainbat ipuin liburu, mahai joko bat eta webgune bat sortu dituzte horretarako, baina aurrera begira material gehiago ere sortuko dituzte.

Antzinatik hasi eta gaur egunera arte, «ikuspegi dinamikoarekin» osatu dute Euskal Herriko historiaren kronika, proiektuaren koordinatzaile Antxiñe Mendizabalen hitzetan. Ibilbidea egiteko, Dei Gaztelumendi eta Patxi Pelaez ilustratzaileek sortutako lau pertsonaia izango dituzte gidari irakurleek: Lur eta Amets anai-arreba bikiak, haien amona Andere eta Baltaxar katua. Juanba Berasategiren koordinaziopean, ilustratzaile talde zabal batek ondu ditu irudiak: Jose Angel Lopetegi, Iñaki G. Holgado, Angel Gomez Espinosa eta Jorge Madejon aritu dira irudigintzan.

Oinarrizko ezagutza liburua zortzi gaitan sailkatuta eta ordena kronologikoan dago aurkeztua. Manu Arregik eta Jesus Mari Olaizola Txiliku-k idatzi dituzte testuak, «zientziaren luma zorrotzez». Ipuin sorta bat ere biltzen du proiektuak, etxeko txikienei begira Uxue Alberdik nahiz Unai Elorriagak ondutako testuekin. Gehiago sortzea baztertzen ez badute ere, oraingoz bederatzi ipuin izango dira guztira, eta hiru jada kaleratu dituzte. Mahai jokoa, berriz, familia osoari zuzendutakoa da, eta historiaren inguruko 1.500 galdera-erantzun biltzen ditu. Eta atari digital batean, berriz, jolasak, proiektuaren abestia eta beste bildu dituzte. Proiektua aurkezteko sortu duten film laburra luzatzea edo telebistarako saio bat bihurtzea ez dute baztertzen.

Informazio gehiago bildu nahi izanez gero, bisitatu webgune hau:

www.luretaametshistorian.eus

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Baionako karrikak hutsik, atzo, etxeratze agindua dela eta. ©GUILLAUME FAUVEAU

«Lanean ari bazara, argiki izorratua zara»

Joana Ibargarai Leritza

Jean Castex Frantziako lehen ministroak ostegunean iragarri bezala, Ipar Euskal Herrian etxeratze agindua 18:00etatik 06:00ak artekoa da orain, eta atzo izan zen neurria aplikatu beharreko lehen eguna.

Osasun langile bat antigenoen proba bat egiten. ©Gorka Rubio / Foku

Positibo gutxiago atzeman dituzten arren, tasa %7 da Hegoaldean

Berria

834 pertsonak eman dute positibo COVID-19a detektatzeko proban, bezperan baino ia 200 gutxiagok. Gero eta paziente gehiago daude ZIUetan.

Koronabirusaren kontrako txertoa. ©Guillaume Fauveau

Urkulluk dio «onartezina» dela txerto gutxiago jaso izana

Berria

Indurainek esan du Nafarroak «erreserba estrategikoa» duela datorren astean txertaketarekin segitu ahal izateko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.