Albistea entzun

Alzheimerren gaitzarekin oroimena gal ez dadin, modu bat atzeman dute

Ikerbasqueko EHUko talde batek parte hartu du 'Nature Neuroscience'-n argitaratutako ikerketan
Shira Knafo —ezkerrean— eta bere lantaldea.
Shira Knafo —ezkerrean— eta bere lantaldea. EHU

Jon Rejado -

2016ko urtarrilak 19

Oroimena galtzea da Alzheimerren gaitzaren adierazle eta ondorioetako bat. Horren atzean dagoen arrazoiaren berri eman du Nature Neuroscience aldizkariak. Are gehiago, ikerlariek prozesu hori gerta ez dadin «tresna molekular bat» erabili dute saguetan egindako saioetan, eta animaliek oroimenari eustea lortu dute. Ikerlana hiru doktorek zuzendu dute: Shira Knafok (Ikerbasqueko kide eta EHUko irakaslea), Jose Antonio Estebanek (Madrilgo Unibertsitate Autonomoa) eta Cesar Venerok (UNED).

Alzheimerraren gaitza neurodegeneratiboa da. Gaixotasunak neuronen arteko informazio trukaketan eragiten du, lotura sinaptikoetan, Ikerbasquek eta EHUk azaldutakoaren arabera. Informazio trukaketa aldakor horretan gertatutako nahasmenduek ikasteko zailtasuna eta oroimena galtzea eragiten dute. Ordea, aldaketa horien mekanismoak duela gutxi ezagutzen hasi direla jakinarazi dute Ikerbasquek eta EHUk. Atzo argitaratutako ikerketak ildo horretan informazioa eman du, baita ondorioei aurre egiteko modua ere.

Jose Antonio Estebanek atzeman zuen PTEN izeneko proteinak parte hartzen duela neuronen arteko informazio trukaketan. Ordea, Knafok, Estebanek eta Venerok abiarazitako azken ikerketak agerian utzi du proteina horrek zeresana duela alzheimerraren eraginetan. Gaixotasunak eragiten du behar baino PTEN proteina gehiago egotea informazio trukaketan; horrek desoreka sortzen du prozesuan, eta memoriarako mekanismoak zailtzen ditu.

Atzo ezagutaraziko ikerketak, PTEN proteinaren jokabidea azaltzeaz gain, hori galarazteko modua ere proposatu du. Saguetan egindako probetan lortu dute tresna molekular bat alzheimerrak eragiten duen PTEN proteinaren eragina saihesteko. Hots, neuronek gaitzaren eragin horri aurre egiten diote. Probetan lortu zuten alzheimerra zuten saguek oroimena mantentzea.

Ikerketan parte hartu dutenek oroitarazi dute «oinarrizko zientzia» baino ez dela orain arte egindakoa, animalietan egin dituztela saioak. Ordea, funtzio kognitiboak kontrolatzen dituzten mekanismoen berri izaten laguntzen duela gaineratu dute, eta esku hartze terapeutikorako lerroak eskaintzen dituela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Barakaldon eraso matxisten aurka egindako elkarretaratze bat, aurtengo martxoan. ©MARISOL RAMIREZ / FOKU

Gizon bat espetxeratu dute, neska lagun ohia hiltzen saiatzea egotzita

Jon O. Urain - Maddi Ane Txoperena Iribarren

Labanaz eraso dio andreari, eta emakumea larri dago, Gurutzetako ospitalean. Basauriko kartzelan sartu dute gizona. Mugimendu feministak elkarretaratzera deitu du gaur arratsalderako Barakaldon

Osasun zentro bateko sarrera, artxiboko irudi batean. ©MAIALEN ANDRES / FOKU

Bere burua hiltzen saiatu direnen arreta hobetzeko prozedura, abian

Oihane Puertas Ramirez

Oraintsuko Suizidio Ahaleginaren Kodea Osakidetzako sare osoan dago erabilgarri
LABeko suhiltzaileen atalaren prentsaurrekoa, atzo, Iruñean. ©IDOIA ZABALETA / FOKU

LABek Nafarroako Barne zuzendariaren dimisioa eskatu du

Joxerra Senar

Sindikatuak salatu du urteetako gabeziak «inoiz baino nabarmenago» geratu direla, eta ez dela egon ez aurreikuspenik, ez alerta gaitasunik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...