Dozenaka protesta egin dituzte, errauste plantaren lanak hasi direla salatzeko

Bihar egingo dute inaugurazio ofiziala, lehen harria jarriz. Errausketaren Aurkako Mugimenduak proiektua eten dezala eskatu dio aldundiari
Hainbat protesta egin zituzten atzo; irudian, Donostiakoa.
Hainbat protesta egin zituzten atzo; irudian, Donostiakoa. JUAN CARLOS RUIZ / ARP

Jon Rejado -

2017ko maiatzak 9

Zubietako errauste plantaren obrak martxan dira jada. Gipuzkoako Foru Aldundiak iragan astean iragarri zuenez, atzo abiatu zituzten lanak, eta bihar egingo dute inaugurazio ofiziala, lehen harria jarriz. Obren hasierarekin batera, errausketaren aurkako dozenaka elkarretaratze egin zituzten atzo iluntzean; Gipuzkoako hogei herritan baino gehiagotan izan ziren protestak, besteak beste, Donostian, Arrasaten, Errenterian, Zestoan, Azkoitian, Urretxun, Hondarribian, Hernanin... Bestalde, EAJren Gipuzkoa Buru Batzarraren egoitzara zaborra bota zuten Ernaiko kide batzuek arratsaldean; pintaketa bat ere egin zuten, eta pankarta bat eskegi. Bihar goizean ere izango dira mobilizazioak: erraustegia egingo duten lekura joatera deitu dute.

Azpiegituraren lanek 30 hilabete iraungo dute, diputazioak jakinarazitakoaren arabera. Horren barruan errauste planta eta tratamendu mekaniko-biologikorako planta egingo dituzte. Ekondakin izeneko aldi baterako enpresen elkarteak egingo ditu obrak, eta, ondoren, azpiegitura kudeatuko du 32 urtez.

Errausketari alternatibak

Errausketaren Aurkako Mugimenduak deitu du biharko mobilizazioetara, Erraustegirik ez, ez gure izenean lelopean. Aldundiari proiektua eten dezala eskatuko dio. Alternatibak badaudela gogorarazi du, «garbiagoak, osasuntsuagoak eta merkeagoak». Hondakinak murriztu, eta sortutakoa sailkatu eta tratatzearen alde egin dute. Horretan aurrera egitea «denon betekizuna» dela hausnartu du mugimenduak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Zarauzko (Gipuzkoa) hondartz, ekainean. ©Juan Carlos Ruiz / FOKU

Zarauzko Talai Mendi kanpinean PCR probak egiten dabiltza, bezero ohi batek positibo eman ostean

Amaia Ramirez de Okariz Kortabarria

Langileei PCR probak egin dizkiete, eta etxera bidali dituzte. Bezero batzuei ere egin dizkiete probak. Emaitzak jaso bitartean, kanpinera ezin da inor sartu eta bertatik irten.

Hainbat herritar, Iruñean, maskara jantzita. / ©Iñigo Uriz, Foku

Maskarak erabiltzea derrigorrezkoa izango da Hego Euskal Herrian

Joxerra Senar

Araban, Bizkaian eta Gipuzkoan, bihartik aurrera kalean ere jantzi beharko da maskara; Nafarroan, etzitik aurrera. Igerilekuetan eta hondartzan, maskara jantzi beharkoa da, bainua hartzeko izan ezik. Kirola egiteko orduan edo naturguneetan ken daiteke. Jaurlaritzak botila festa debekatu egin du.

Herritarrak PCR proba egiteko zain. ©Jon Urbe / Foku

80 kasu gehiago Hegoaldean, eta lehen hildakoa Nafarroan ekainaren 11tik

Edu Lartzanguren

Gipuzkoan indarrez ari da izurria: 41 kasu baieztatu dituzte. Iruñean beste agerraldi bat atzeman dute, eta gutxienez hiru lagun kutsatu dira.

Banksy grafitigileak maskarak janzteko eskatu du ekintza batez

Banksy grafitigileak maskarak janzteko eskatu du ekintza baten bidez

Edu Lartzanguren

Londresko metroan sartu da, garbitzaile jantzita, eta koronabirusaren inguruko irudiak margotu ditu.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna