Albistea entzun

ZUZENDARIARI

Arabako bertsolaritzari kiratsa dario, Manex

Rikardo Gonzalez de Durana Alzola. -

2015eko apirilak 15 - Bertsolaria eta Gasteizko bertsolari eskolaren sortzaileetako bat.

Hasteko, zoriondu nahi zaitut Arabako txapela jantzi duzulako, baina BERRIAn martxoaren 24an egin zizuten elkarrizketan ez duzu argi esaten zein izan den aurtengo txapelketan gu ez aurkezteko arrazoia, ederki bazenekien arren, eta, neure burua gauzak behar diren bezala azaltzera behartuta ikusi dut.

Gure erabakiaren arrazoi nagusia bertsoa epaitzen dakiten epaileak jarri nahi ez izatea izan da, horrela aukera berdintasuna galarazi delako.

Ikusten duzunez, konponbidea erraza zeukan eta daukan arazoa da, baina hamaika aldiz erakutsi diguzue ez duzuela arazo hau konpondu nahi. Zergatik? Finaletik kanpo gelditzeko beldurrez akaso?

Arlo honetan duzuen jarrera oso susmagarria da. Hau soilik Arabako bertsolari txapelketan gertatzen delako. Adibidez, literatur lehiaketetan, logikoa denez, epaileak beti literaturan adituak izaten dira. Eta literaturaz diodana beste edozein lehiaketari buruz esan nezake. Zergatik ez Arabako txapelketan?

Arabako bertsolaritza zaku handi eta irekia dela diozu, baina zuentzat bakarrik, zeren plaza guztiak kendu dizkiguzue. Guretzat zakua ia itotzeraino estutu duzue, guretzat ez dago inoiz ez Matxeterik ez beste plazarik, denak zuen artean banatzen baitituzue.

Bukatzeko, nik ere aitortu behar dizut lerro hauek idatzi behar izanak min handia eragin didala, eta, besterik gabe, idazki honek gogoeta serioa egiteko balio izango dizulakoan.

Agur t'erdi.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.