Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu Cookie Politika

X

Berria.eus

Plaza Bizia Nekazaritza ekologikoa, azokatik plazara?

Publizitatea

Plaza Bizia

Elikadura. Eko-tik

Nekazaritza ekologikoa, azokatik plazara?

Hainbat herritan azoka ekologikoak egiten dira egun batez, baina gero urte osoan ez dago bertoko produktu ekologikoak lortzerik; zer dela eta?

2012-02-18 / Alex Zubia - LURREKO elkarteko kidea

Orain dela urte batzuk ekolurra aldizkarian lurreko bi bazkideren idatzi bat atera zen, feriako tximinoak bilakatzeko arriskuaz ohartarazteko. Zenbaki berean elkarteak ferien inguruan zituen kezkak ere agertzen ziren. Feriek hutsune bat bete izan dute: nekazaritza ekologikoa ezagutarazi eta bultzatzea. Ez dugu ukatuko horretan izan duten eragina. Gaur egun herrialdeetan dauden hainbat kontsumo elkarte ere feria horietan egindako harremanetatik sortu dira.

Aspaldi gabiltza feria plazara eraman behar dugun hausnarketarekin. Zera esan nahi dugu: dagoeneko mundu guztiak daki nekazaritza ekologikoa egon badagoela. Agian, ez daki zer den zehazki, zein logotipo duen, zertan oinarritzen den. Baina egon badagoela badaki.

Feria edo azoka ekologikoaren zeregina berraztertu egin behar dugulakoan gaude. Eguna edo goiza pasatzeko leku bilakatu dira herri askotan. Batzuetan, gero eta ekimen gehiago antolatzen dira jende kopurua handitzeko. Beste batzuetan, nekazaritza ekologiko hutsean oinarritzen dira, eta haietan jendea gutxitzen doala esan daiteke.

Zein da azoka ekologikoetarako nahi dugun eredua? Egun-pasakoa? Egun bakarreko azokatik asteroko plazara bihurtzea herrietako harreman sozial eta gastronomikoetan eragina izateko?

Hainbat herritan, azoka ekologikoa egiten da egun batez, eta urte osoan ez dago bertoko produktu ekologikorik lortzerik, kontsumitzaile elkarte batean ez bazaude. Udalentzat ere lan erraza da, dirua ipini eta azoka bat muntatu, baina hurrengo eguneko jatekoen nondik norakoen gainean ardurarik ez, hori merkatu «libreari» dagokio eta.

Beste urrats bat egin behar dugu, eta azokak asteroko plaza bihurtu behar ditugu, ekologikoa eguneroko jatekoa izan dadila. Bide horretan gabiltza, eta udazkenetik aurrera, LURREKO elkarteko kideak dauden bi herrietako asteroko plazetan baserritar ekologikoak izango dira saltzen.

Nekazaritza ekologikoaz edozein zalantza edo galdera izanez gero:

Biolur-Gipuzkoa Nekazaritza Ekologikoaren Aldeko Gipuzkoako Elkartea. Tel.: 943-76 14 47

biolur@biolur.net

ENEEK - Euskadiko Nekazaritza eta Elikadura Ekologikoaren Kontseilua. Tel.: 902-54 01 65

nfo@eneek.org
 

Publizitatea

Tartea saileko albiste gehiago

Albiste nagusiak

Otegiren alde Katalunian

Kultur eta politika munduko hainbat pertsona ospetsuk bat egingo dute gaur Arnaldo Otegi askatu, euskal presoak etxera manifestuarekin. Sinatzaileen artean dira Lluis Llach abeslaria, Joan Tarda politikaria (ERC) eta Villaweb atariko zuzendari Vicent Partal.

Juncker: "Galdeketan 'bai' bozkatzeko eskatzen diet greziarrei"

Bankuak itxita eta dirua ateratzeko aukera mugatuta esnatu dira gaur Grezian. Erreskatea luzatzearen truke troikako erakundeek egin dioten proposamenari buruzko galdeketa egingo dute datorren igandean. Juncker erreferendumerako kanpainan sartu da bete-betean. Milaka herritar bildu dira austeritatearen aurka eta ezezkoaren alde Atenasen. Galdeketa euroan egoteari buruz dela diote Alemaniak, Frantziak eta Italiak.

Gehien irakurriak