Partidaren jarraipen berezia egin zuen 'Berria.info'-k

Bateragune auziko Auzitegi Gorenaren epaiaren inguruko informazioarekin batera, Berria.info-k luze eta zabal eman zuen herenegun Athleticen finalaren berri. Partidaren kontakizuna egin zuten webgunean, horretarako propio prestatutako atalean. Kazetariek Bukaresten eta Bilbon zer gertatzen zen kontatu zuten, baita Berriketan.info sare sozialean ere. Berria Telebista, gainera, Bilbon egon zen, eta San Mameseko giroaren bideoa egin zuen (QR kodea).