Eskubaloia

Bera Bera, berriz ere txapeldun

Donostiako taldeak 21-24 irabazi du Ro’Casaren pistan eta liga titulua lortu du hirugarren urtez jarraian

Bera Berako jokalariak titulua ospatzen.
Bera Berako jokalariak titulua ospatzen. Bera Bera.

Imanol Magro Eizmendi -

2015eko maiatzak 16

Bera Bera dinastia bat da. Eskubaloi ligako dominatzaile handia, eta gaur liga titulua irabazi du hirugarren urtez jarraian. Donostiako taldeak 21-24 irabazi du Ro’Casa bigarren sailkatuaren pistan, eta liga bukatzeko bi jardunaldi falta badira ere, dagoeneko matematikoki da txapeldun.

Bera Berak aginte kolpea emanez ziurtatu du titulua, aurkari zuzenaren etxean irabaziz (21-24). Partida oso ondo hasi ondoren (0-4), hamar minutuz egon da golik sartu gabe eta Ro’Casa aurretik jarri da lehen zatian (9-7, 22. min.). Erreakzioa, baina, garaiz iritsi da eta atsedenaldirako aurretik zen Bera Bera (10-11).

Lehen zatia estu izan bada, bigarrenean Bera Bera nagusitu da. Lehen minutuetan tartea ireki du (11-15, 35. min), eta ondo kudeatu du alde hori. Defentsari esker kontrolatu du Ro’Casa (14-17, 40. min eta 15-20, 45. min), eta kontraerasoa erabili du erasoan. Etxekoak saitu dira aldea murrizten azken txanpan, baina behin eta berriz egin dute talka Bera Beraren harresiarekin.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna