Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu Cookie Politika

X

Berria.eus

Mundua Merkel, ondorioez kezkatuta

Publizitatea

Mundua

Kataluniako erreferenduma

Merkel, ondorioez kezkatuta

Zehazki Espainiako Gobernuak har lezakeen jarreraz hitz egin dute Alemaniako kantzilerrak eta Europako Batzordeko presidenteak.
Angela Merkel, artxiboko argazki batean. /
Angela Merkel, artxiboko argazki batean. / Valda Kalnina, EFE

2017-10-07 / Berria

Telefonoz hitz egin dute, eta Katalunia izan da hizketagaia. Ekintza horrekin argi geratu da prozesuak utzi diola dagoeneko "barne arazoa" izateari Europako Batasuneko estatu kideentzat, nahiz eta aldiro hori bera berretsi euren agerraldietan.

Alemaniako kantzilerra, Angela Merkel, kezkatuta agertu da Kataluniak independentzia aldarrikatzeak ekar ditzakeen ondorioen inguruan, eta batez ere Espainiaren erantzunak eragin ditzakeen ondorio ekonomikoen gainean. Horretaz hitz egin du Europako Batzordeko buru Jean-Claude Junckerrekin, zeina hasieratik agertu izan den Espainiaren batasunaren alde, nahiz eta azken egunetan "indarraren erabileraren" inguruko ohar argia bidali Madrili esanez hura ez dela "tresna politiko bat".

Hain zuzen ere, astelehen eta asteartean biltzekoak dira Europako ogasuneko arduradunak, eta, Kataluniako prozesua gai zerrendan agertzen ez den arren, adituek ez dute baztertzen erreferendumaren gaia mahai gainean egotea.

Publizitatea

Sortu kontua

Publizitatea

Gaiarekin zerikusia duten albisteak