Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu Cookie Politika

X

Berria.eus

Kultura Amurizak irabazi du Zallako saioa

Publizitatea

Kultura

bertsolari txapelketa

Amurizak irabazi du Zallako saioa

Finalaurrekoetan izango da, Durangon, azaroaren 12an, Aitor Mendiluze eta Oihana Iguaranekin.
Amuriza, saioaren amaieran. /
Amuriza, saioaren amaieran. / Jaizki Fontaneda, Argazi Press

2017-10-07 / Berria

Miren Amurizak 700,5 puntu egin ditu Zallako saioan, eta finalerdietarako sailkatu da. Gaurko saioan, 650 bertsozale elkartu dira Zallan, eta une politak utzi ditu. Amurizaren atzetik Jone Uria (662), Odei Barroso (650), Onintza Enbeita (640,5), Eneko Abasolo Abarkas (615,5) eta Oihane Perea (591,5) sailkatu dira.

Laugarren final-laurdena izan da Zallakoa. Kartzelakoan argazki bati begira jarri dituzte bertsolariak: "Jendea harri eta zur utziko lukeen argazkia atera berri duzu; zalantzan zaude gorde ala zabaldu". Abasolo, Enbeita eta Uria Kataluniara begira jarri dira. Amuriza eta Perea, gorputzari. Barroso, errefuxiatuei.

Igandean, Zumaian

Zumaiako Aitzurin izango da hurrengo final-laurdena, 17:00etan, igandean. Arkaitz Oiartzabal Xamoa, Asier Otamendi, Ibon Ajuriagojeaskoa, Miren Artetxe, Nahikari Gabilondo eta Nerea Ibarzabal izango da oholtzara igoko den seikotea. Sarrera guztiak amaituta egonik, ez da leihatilarik zabalduko; ateak 16:00etan zabalduko dira, antolatzaileek jakinarazi dutenez.

Publizitatea

Sortu kontua

Publizitatea

Gaiarekin zerikusia duten albisteak