Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu Cookie Politika

X

Berria.eus

Ekonomia Inflazioa %1,7ra igo da irailean Hego Euskal Herrian

Publizitatea

Ekonomia

Ekonomia

Inflazioa %1,7ra igo da irailean Hego Euskal Herrian

Jantzi eta oinetakoen prezioak eta garraioarenak igo dira gehien azken hilabetean, eta aisialdi eta turismokoak jaitsi gehien. Inflazio txikieneko herrialdea Nafarroa da alde handiz, %1,1eko tasarekin.
Irailean arropak eta oinetakoak garestitu dira gehien.
Irailean arropak eta oinetakoak garestitu dira gehien. Berria

2017-10-11 / Irune Lasa

Joan da uda, eta turismoari lotutako prezioak merkatu egin dira; badator negua, eta arropa eta oinetako garestiagoen unea iritsi da. Gauzak horrela, INE Espainiako Estatitistika Institutuak jakinarazitako datutaen oinarrituta, Hego Euskal Herrian irailean kontsumo prezioak %0,1 igo dira, eta urteko inflazioak %1,7ko tasa iritsi du, aintzat hartuta bai erregaien bai argindarraren salneurriak iazko irailean garestitu zirena baino gutxiago igo direla aurten.

Nahiz eta garraioko prezioek ere pisu pixka bat izan iraileko prezioen goranzko joeran, oraindik urrun daude, hain zuzen, erregai eta argindar garestiek eragindako urtarril-otsaileko %2,9ko tasak. Inflazio tasaren maila apalena ekainekoa izan da aurten, %1,4koa.

Dena den, Hego Euskal Herriko herrialdeen artean alde handiak daude urteko inflazio tasetan. Arabak du tasa handiena, %2,1ekoa, eta Gipuzkoakoa %1,9ra igo da ere. Bizkaian, berriz, %1,8 hazkundeari eutsi diote prezioek. Nafarroakoa da gehien bereizten den herrialdea urteko tasari dagokionean: puntu bat igo dira prezioak herrialde horretan, baina urteko inflazio tasa %1,1ean dago.

Publizitatea

Sortu kontua

Publizitatea

Gaiarekin zerikusia duten albisteak