Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu Cookie Politika

X

Berria.eus

Bizigiro Jangeletako saltsa

Publizitatea

Bizigiro

Bihar, BERRIAn

Jangeletako saltsa

Euskal Herriko ikastetxe askotan jaten da Arrasateko Ausolan catering enpresak prestatzen duen janaria. Egunero, ia 100.000 bazkari banatzen ditu, Euskal Herriko 500dik gora ikastetxetan.
Arrasateko Ausolan enpresako sukaldean, sukaldari bat lanean.
Arrasateko Ausolan enpresako sukaldean, sukaldari bat lanean. Monika del Valle / Argazki Press

2017-10-13 / Nagore Etxeberria

Eskola askotan ez dago sukalderik, eta, beraz, janari zerbitzua eskaintzen duten enpresetatik ekarri behar izaten dute eguneko otordua, halabeharrez. Beste catering enpresa gutxi batzuekin batera, Ausolan da ikastetxeak bazkariz hornitzen dituen enpresa. Egunero, ia 100.000 bazkari banatzen ditu Euskal Herri osoko 500dik gora ikastetxetan. Bihar, Ausolan enpresaren funtzionamendua eta lan egiteko moduari buruzko erreportajea argitaratuko da BERRIAko Bizigiro gehigarrian.

Catering enpresaren aukera, baina, ez dela jangelak kudeatzeko aukera bakarra aldarrikatzen du gizartearen sektore handi batek eta Gure platera gure aukera plataformak; gurasoek, ekoizleek, sindikatuek eta gizarte eragileek osatzen dute Gure platera gure aukera plataforma. Eskola bakoitzak bere jantoki eredua aukeratzeko aukera izatea aldarrikatzen du plataformak, eta, beraz, Eusko Jaurlaritzari eskatzen dio egun indarrean dagoen araudia alda dezala. Jaurlaritzako Hezkuntza Sailaren baimenarekin jantoki eredua aldatzeko aukera izan du Gernikako Allende Salazar ikastetxeak, baita Urduñako herri ikastetxeak ere (Bizkaia). Haien iritzia eta esperientziak ere jasotzen dira erreportajean.

Jangela kontuez gain, telesailek ere euren tartea izango dute Bizigiro gehigarrian. Bihartik hasita, telesailei eskainiriko atal berria argitaratuko da larunbatetan, hamabostean behin. Mr. Robot telesailari buruz hitz egingo du Ander Perezek lehen erreportajean. Eta zinema atalean, berriz, Handia filma izango du mintzagai Gontzal Agotek. Datorren ostiralean estreinatuko dute Aitor Arregi eta Jon Garaño zuzendarien filma, Hego Euskal Herriko zinema aretoetan.

Zinemara joan ordez, bestelako ekintzaren bat egin nahi duten irakurleek asteburuko proposamenetan izango dituzte hainbat aukera. Besteak beste, Euskal jaia ospatzekoak dira bihar Galdamesen (Bizkaia).

Publizitatea

Sortu kontua

Publizitatea

Gaiarekin zerikusia duten albisteak