2015eko udal eta foru hauteskundeak

Uxue Barkos eta Itziar Gomez hautagaiak aurkeztu ditu Geroa Baik

Nafarroako Parlamenturako eta Iruñeko Udalerako hautagaiak aurkeztu ditu Iruñean egindako ekitaldian.

Uxue Barkos, artxiboko irudi batean. /
Uxue Barkos, artxiboko irudi batean. / Idoia Zabaleta/Argazki Press

Berria -

2014ko azaroak 17

Aurretik jakinak baziren ere, Geroa Baik bere hautagaien aurkezpen ofiziala egin du, Iruñeko Baluarte jauregian. Uxue Barkos eta Itziar Gomez izango dira, hurrenez hurren, Nafarroako Parlamenturako eta Iruñeko Udalerako hautagaiak.

Bere diskurtsoan, Nafarroa "berreskuratzeko" deia egin du Barkosek, "UPNren gaitasunik eza" dela eta. Alde horretatik, "aldaketa posiblea dela eta aurrera eramateko gai" direla adierazi du hautagaiak. Aldaketa horri dagokionez, hain zuzen ere, gainerako indarrekin akordioak egiteko borondatea erakutsi du Barkosek: "Hitz egitea tokatuko zaigu, gauza batzuk ematea, baina horretara behartuta gaude. Aldaketa posiblea baino gehiago da".

Nafarroako presidente izateko hautagaiak Barcinaren "ihesaldiaz" hitz egin du, eta aldaketa politikoaren indarrean bilatu ditu uko horretarako arrazoiak: "Nafarroarako garai berri bat nahi dugun nafarron indarraren ondorioz joan da".

Itziar Gomezek, berriz, adierazi du Iruñeko Udalean aldaketa lortzeko Geroa Bai dela "gaitasun handiena" duen taldea. Hurrengo hauteskundeen ondoren "iraganeko herentziak eta politika grisak" bukatzeko apustua egin du. 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna