Albistea entzun

KATALUNIAKO PROZESU SUBIRANISTA

Babesa jaso ondotik, aurrera

Kataluniako fiskalen ezezkoaren ondoren, Espainiako Fiskalen Biltzarrak bere egin du Torres-Dulce estatuko fiskal nagusiaren tesia, eta Generalitatearen aurka kereila jarriko du aste honetan.

Eduardo Torres-Dulce fiskal nagusia, erdian, fiskaltzako goi kargudunekin egindako bileran, atzo.
Eduardo Torres-Dulce fiskal nagusia, erdian, fiskaltzako goi kargudunekin egindako bileran, atzo. CHEMA MOYA / EFE

Adrian Garcia -

2014ko azaroak 20 11:36

Europa Press agentziak fiskaltzaren iturriak aipatuz zabaldu duenez, "ziurrenik" Artur Mas Kataluniako Gobernuko presidentearen, Joana Ortega presidenteordearen eta Irene Rigau Hezkuntza kontseilariaren kontra aurkeztuko du fiskalak salaketa: desobeditzea, prebarikatzea, funtsak bidegabe erabiltzea eta funtzioak usurpatzea egotziko die.

Fiskalen batzarrera eraman du gaia Eduardo Torres Dulce Espainiako fiskal nagusiak. Estatuko Fiskaltzaren egoitzan batu dira, eta han aholkularitzan jarduten duten 26 kideren aurrean agertu ditu Torres-Dulcek bere asmoak, eta 22 fiskalen babesa jaso du. Eztabaida izan dute aurkeztu beharreko kereilen inguruan, Efe agentziak fiskaltzako iturriak aipatuz argitaratu duenez: soilik Masen kontra jotzearen alde agertu dira batzuk; Mas eta Ortega salatzea aldeztu dute beste batzuek; hirugarren multzo batek, ordea, Mas, Ortega eta Rigau jarri ditu jomugan. Bartolome Vargas fiskalak, berriz, argudiatu du ez dela beharrezkoa kereilarik aurkeztea, auzibide ugari daudelako zabalik Katalunian kontsulta dela-eta.

Torres-Dulceren arabera, Auzitegi Konstituzionalak azaroaren 9ko parte-hartze prozesua eteteko emandako aginduak "ez zuen zalantzarako tarterik uzten", eta, hortaz, Masen gobernuak "erresoluzio horren edukiarekin bat ez zetorren jarrera" hartu zuela uste du.

Fiskalen batzarreko kideen iritzia ez da bete beharrekoa, baina salaketa jartzearen aurka agertuko balira, egoera zailean geratuko litzateke Espainiako fiskal nagusia, kontuan hartuta Kataluniako fiskalen babesik ere ez duela jaso. Kataluniako fiskalen batzarrak dio ez dagoela salaketarako oinarri juridikorik, eta, beraz, Jose Maria Romero de Tejada Kataluniako fiskal nagusiak salaketarekin bat ez egitea erabaki du. Mariano Rajoy Espainiako gobernuburuak adierazi du errespetatu egingo duela fiskaltzaren erabakia.

Espainiako Gobernuak, berriz, jakinarazi du Mariano Rajoy presidenteak erantzun diola Artur Masek bidalitako eskutitzari, baina edukiaren berri zehatzik ez du eman. Hilaren 29an Bartzelonara joango da Rajoy, bere jarrera "hobeto azaltzera".

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Vladimir Putin Errusiako presidentea, gaur, Moskun. ©EFE

Errusiak esan du «negoziatzeko prest» dagoela, bere interesak «bermatzeko»

Mikel Elkoroberezibar Beloki

Ukrainako armadak adierazi du bere tropetako 13.000 soldadu eta 6.000 zibil hil direla gerra hasi zenetik. Haur ugariri hezkuntzarako eskubidea urratu dietela salatu du NBEko batzorde batek.

Boliviar bat Silala ibaitik ura hartzen, Txileko mugatik gertu. ©MARTIN ALIPAZ / EFE

Boliviak esan du Hagako epaiak Silala ibaiko ubide artifizialak eraisteko aukera emango diola

Mikel O. Iribar

Nazioarteko Justizia Auzitegiak ebatzi du Silala ibaia «nazioartekoa» dela, eta Txileri eta Boliviari eskatu die elkarren arteko elkarrizketak «etengabekoak» izateko. Santiagok ez dio kalte ordainik eman beharko La Pazi.

Guardia Zibila, atzo, AEBek Madrilen duten enbaxadaren atarian. ©FERNANDO VILLAR / EFE

Espainiatik bidali dituzte gutun piroteknikoak, Poliziaren arabera

Uxue Rey Gorraiz - Gorka Berasategi Otamendi

Sanchezek, Roblesek eta Ukrainaren eta AEBen enbaxadek jaso dituzte, besteak beste

Pekinen iragan astean egin zuten manifestazioetako bat. ©M. R. CRISTINO / EFE

Txina, konfinamenduen amaierarako bidean

Olatz Urkia

Urumqin hiru lagun hil ziren joan den astean, sute bat hasi eta konfinamendu neurriek suhiltzaileen lana oztopatu zutenean. Haserrea segituan piztu, eta Txina osoan hedatu dira neurri horren aurkako protestak; orain, egoera baretuta, badirudi gobernuak manifestariak lasaitzeko keinua egin duela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.