Albistea entzun

KUTXABANK

Espainiako Bankuaren esku dago Kutxabanken geroa

BBK-k, Kutxak eta Vitalek argudiatu diote banku zentralari ez direla bat eginda aritzen. Horrela eragotzi nahi dute bankuaren %50 saldu behar izatea.

Espainiako Bankuaren egoitza nagusia, Madrilen. /
Espainiako Bankuaren egoitza nagusia, Madrilen. / Kiko Huesca / EFE

Iker Aranburu -

2014ko azaroak 19 12:43

Kutxabanken akzioen erdiak saldu behar ez izateko azken aukerari heldu diote BBK-k, Kutxak eta Vital Kutxak. Alegazioak aurkeztu dizkiote Espainiako Bankuak banku fundazioen legea zehazten zuen zirkular zirriborroari, haren arabera uler daiteke-eta hiru kutxa ohiek bat eginda kudeatzen dutela Kutxabank. Horrek 700 milioi euroko erreserba funts bat osatzera behartuko lituzke bankuaren jabetzaren %50i baino gehiagori eutsi nahi badiote. Hori horrela, nor bere aldetik doala eta hiru akziodun desberdin direla nabarmendu diote Espainiako Bankuari. Alegazioa aintzat hartuz gero, BBK baizik ez legoke behartuta bere parte hartzea txikitzera (akzioen %57) edo erreserba funtsa sortzera (300 milioi eurokoa, gutxi gorabehera). 

Kutxabanken akziodun nagusiak, BBK-k (%57), gaur goizean jakinarazi du bi ardatzetan oinarritzen direla bere alegazioak: itun edo hitzarmenik ez dagoela Kutxabank kudeatzeko, eta gehiegizkotzat jotzen duela Espainiako Bankuak eskatzen duen erreserba funtsaren zenbatekoa.

BBK-k gaur bidalitako alegazioak eta aurreko egunotan besteek igorritakoak Aurrezki Kutxen Espainiako Konfederazioaren (CECA) esku jarriko dituzte, hura arduratuko baita denak bildu eta alegazio orokor bat egiteaz. BBK-k azaldu duenez, alegazio horiek kontuan hartuta edo hartu gabe zirkular bat egin beharko du orain Espainiako Bankuak, eta Espainiako Estatu Kontseiluari igorri beharko dio. Haren txostena ez da bete beharrekoa, baina jaso beharrekoa da behin betiko zirkularra argitara emateko.

Kutxabank osatzen duten hiru erakundeek nahi dute Espainiako Bankuak kontuan hartzea Europako Banku Zentralak egindako estres azterketaren emaitza, horietan bere lehiakideek baino emaitza hobeak lortu zituelako. 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Metalgitzako langile bat jardun betean. ©Marisol Ramirez / FOKU

Metalgintzako negoziazioak: Nafarroan akordioa gertuago dago; Bizkaian, urrun

Imanol Magro Eizmendi

Nafarroako metalgintzako patronalak UGTren eta CCOOren eskaintzak aztertuko ditu. Bizkaikoak, berriz, ez du aldatu lan ituna berritzeko eginiko azken eskaintza.

Hiru kamioi geldirik Oiartzungo aparkekuan. ©Gorka Rubio / FOKU

Jaurlaritzak zazpi milioi euro jarri ditu kamioiak berritzeko planerako

Imanol Magro Eizmendi

Asteartean hasiko da eskaerak egiteko epea. 34.000 eurora arteko laguntzak banatuko dira.

Gazte bat «jan itzazu aberatsak» dioen pintaketa baten aurretik pasatzen, Atenasen. ©ORESTIS PANAGIOTOU / EFE
Arroz ekoizle bat eskukada bat ongarri eskuan duela, Colombon (Sri Lanka). ©CHAMILA KARUNARATHNE/EFE

ONGARRIEN EKOIZPENAK %70 EGIN DU BEHERA

Maddi Iztueta Olano

NBE Nazio Batuen Erakundeak Errusiari eta Ukrainari eskatu die esportazio kimikoen inguruko akordioa adostu dezaten. Elikagaien eskasia areagotzen ari da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...