Albistea entzun

hezkuntza

"Mugarik gabeko campusa"

Unibertsitate campus bat sortuko dute Akitania-Euskadi euroeskualderako. Ituna sinatu dute EHUk eta Bordeleko Unibertsitateak. Eskaintza akademikoa eta mugikortasuna areagotuko dira, adibidez.

EHUk eta Bordeleko Unibertsitateak Euskadi-Akitania euroeskualdean unibertsitate campus bat sortzeko akordioa egin dute. /
EHUk eta Bordeleko Unibertsitateak Euskadi-Akitania euroeskualdean unibertsitate campus bat sortzeko akordioa egin dute. / Garikoitz Goikoetxea

Garikoitz Goikoetxea -

2014ko azaroak 19

Lankidetza ez da berria EHU Euskal Herriko Unibertsitatearen eta Bordeleko Unibertsitatearen artean, baina beste pauso bat eman nahi dute orain, Europan “aitzindaria” izango den urratsa. Euroeskualdeko campusa sortzea adostu dute, Bordelen egindako ekitaldi batean.

Nazioarteko bikaintasun campus izendapena lortua dute bi unibertsitateek, eta estilo horretako campusa sortu nahi dute. Helburuetako bat, hain zuzen ere, hori da: bikaintasuna lortzea unibertsitatean, eta nazioartean itzala ematea horri.

Pisu politiko handia eman nahi izan diote ekitaldiari, Euskadi-Akitania euroeskualdearentzat esanahi handiko proiektua baita campusarena. Horren erakusgarri da Bordelen bildutako ordezkari politiko andana; unibertsitateko eta hezkuntzaren eta ikerketaren alorreko kideez gain, han izan dira Iñigo Urkullu Eusko Jaurlaritzako lehendakaria eta Alain Rousset Akitaniako kontseiluko lehendakaria, besteak beste.

Ikasketak eta ikerketa

Iñaki Goirizelaia EHUko errektoreak jakinarazi du ikasketen eskaintza areagotuko dutela campus berriari esker. Orain ere ari dira lankidetzan alor horretan —elkarrekin eskaintzen dituzte sei master bi unibertsitateek—, baina sendotu egingo dute orain: eskaintza zabalagoa izango da, ikasleen mugikortasuna bultzatu egingo dute eta nazioartean ikusgaitasuna emango dute horrekin.

Ikerketarena da beste giltzarria: “Europan erreferente izango den ikerketa eremu bat eratzea da helburua, sinergia handiagoak bultzatuz ikerketarako eta garapenerako egitura eta dinamiketan”.

Euroeskualdea sendotzeko proiektu giltzarritzat jo dute campusarena. Ez da bakarra izango, hala ere. Urkulluk aurreratu du abenduan aurkeztuko dutela 2020ra arteko estrategia plana. Beste neurri batzuk proposatuko dituzte han.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Biktimaren senarraren autoa, istripua izan eta gero, La Vila Joiosan (Herrialde Katalanak). ©Alacanteko suhiltzaileak

Zarautzen bizi izandako emakume baten hilketa matxista ikertzen ari dira Benidormen

Berria

68 urte zituen biktimak. Benidormen zuen etxean topatu du Poliziak, harengana joan denean esatera senarra auto istripu batean hil zaiola. Gorpuak indarkeria zantzuak zituen, eta senarra da susmagarri nagusia.

Ezkerretik eskuinera, Mitxel Lakuntza ELAko idazkari nagusia, Paul Bilbao Euskalgintzaren Kontseiluko idazkari nagusia eta Garbiñe Aranburu LABeko idazkari nagusia, gaur goizean. ©Aritz Loiola / FOKU

Kontseiluak, ELAk eta LABek 15 urtean euskaldunduta nahi dute Araba, Bizkai eta Gipuzkoako administrazio publikoa

Julen Aperribai

Bederatzi ekarpen egin dizkiote administrazioan euskararen erabilera arautuko duen dekretuari. Derrigortasun indizearen sistema «gainditzea», euskarazko zirkuituak sortzea eta langileen «egonkortasuna» bermatzea daude horien artean.

Adingabeen Sansoheta zentroa. ©Juanan Ruiz / EFE

Hamahiru urterainoko zigorrak onartu dituzte adingabeei sexu abusuak egiteaz akusaturikoek

Edurne Begiristain

Hasi da Sansoheta zentroan Arabako Foru Aldundiaren zaintzapean zeuden adingabeak prostituitu zituen sare bateko ustezko kideen aurkako epaiketa. Lauk egin dute akordioa fiskaltzarekin; hamar dira denera.

Frantziako Polizia Angelun (Lapurdi), artxiboko irudi batean. ©Jagoba Manterola / Foku

Donibane Lohizunen 24 urteko gazte bat hil da auto istripuz

Berria

23 eta 25 urteko beste bi lagun egoera larrian ospitaleratu behar izan dituzte. 

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...