Kutxabank

Espainiako Bankuak ez du egintzat jotzen hiru kutxak batera ari direnik

Luis Maria Linde gobernadorearen arabera, Kutxa, Vital Kutxa eta BBK kutxari urri amaieran igorritako idatzian, "ez da zertan estuki ulertu kontzertazioa dagoela uste denik"

Espainiako Bankuaren egoitza nagusia, Madrilen. /
Espainiako Bankuaren egoitza nagusia, Madrilen. / Kiko Huesca / EFE

Xabier Martin -

2014ko azaroak 19

Espainiako Bankuak " ez du aurresuposiziorik" euskal kutxak batera ari diren edo ez erabakitzeko. Luis Maria Linde Espainiako Bankuaren gobernadoreak esan du kutxei bidali zitzaien idatzian "ez dela zertan estuki ulertu kontzertazioa dagoela uste denik". Idatziak ez du erredakzio "zurruna" haren ustez eta, beraz, inork ez luke ulertu behar Espainiako Bankuak jadanik egintzat jotzen duela hirurak batera ari direla Kutxabanken.

Kutxa, Vital Kutxa eta BBK kutxen helegiteak eta erantzun gogorrak —Espainiako Bankuaren eskuduntzak zalantzan jarrita ere— eragin du urrian jasotako idatziak. Horren arabera Espainiako Bankuak Kutxabanken hiru akziodunak, praktikan, akziodun bakarra direla uste duela ulertu daitekeelako, eta orduan zailagoa izango dutelako bankuaren jabetza osoari eustea. BBK, Kutxa eta Vital Kutxaren alegazioak ontzat hartu eta bakoitza bere aldetik aritzen dela onartuz gero, berriz, akziorik ez saltzeko edo gutxiago saltzeko aukerak zabalduko dira. Erantzuna aste gutxi barru jakingo da.

Bien bitartean, Espainiako Bankuak ez duela "aurresuposiziorik" esan du bere gobernadorearen bidez. "Idatziak ez du esaten interpretazioa bakarra dagoenik". Euskal kutxek "egoera azaltzea ahalbidetzen du eta Espainiako Bankuak erabaki bat edo beste hartzea". Beraz, Lindek ez du askorik argitu euskal kutxentzat, eta ondorioz, Kutxabankentzat bere biziko garrantzia duen auziari begira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna