Albistea entzun

kataluniako prozesu subiranista

Joana Ortega: "Espainiatik kanpo bultzatzen gaituzte"

Generalitateko presidenteordeak Madrilen eta Bartzelonaren arteko urruntasuna islatu du. Beste kontsulta bat egingo dutela esan du, nahiz eta ez argitu modua.

Ortega presidenteordea, azaroaren 9an, parte-hartze prozesuaren nondik norakoei buruzko azalpenak ematen.
Ortega presidenteordea, azaroaren 9an, parte-hartze prozesuaren nondik norakoei buruzko azalpenak ematen. TONI ALBIR / EFE

Adrian Garcia -

2014ko azaroak 21 12:16

Espainiako Fiskaltzak Generalitateko hiru kideren aurkako kereila jartzea erabaki ondoren, lehen aldiz hitz egin du Artur Mas Kataluniako Gobernuko presidenteak: "Pena ematen du herri batek bere iritzia eman nahi duenean eta hautetsontziak jartzen dituenean estatuaren erreakzioa auzitegien eta fiskaltzaren bidezkoa izatea". Masek ziurtatu du "aurrera" egingo dutela "herrialde gisa" Kataluniak dituen asmoekin: "Modu zibikoan, lasaian eta demokratikoan egingo dugu".

Francesc Homs Generalitateko bozeramaileak esan du Espainiako Gobernuak "zikoizkeriaz" jardun duela, ez duela "aurpegia eman" eta nahiago izan duela Espainiako Fiskaltzari "presio egin" erantzun politiko bat eman baino. Catalunya Radio irrati kateko El matí programan egin ditu adierazpenok.

Mariano Rajoyk Kataluniara egingo duen bisitaz ere mintzatu da. Homsen ustetan, ez datoz bat Artur Masekin ez biltzeko erabakia eta elkarrizketarako agertu duen "ustezko" borondatea: "Rajoy Kataluniara dator bere ingurukoekin hitz egitera".

Joana Ortega Generalitateko presidenteordeak adierazi du "harrotasunez" egingo diola aurre fiskaltzaren kereilari, azaroaren 9an egindako lanagatik. Hala ere, onartu du sentimendu "gazi-gozoa" duela, uste baitu estatuak ez duela "heldutasunik" arazo politikoei politikatik aurre egiteko. "Gero eta gehiago bultzatzen gaituzte Espainiatik kanpo", gaineratu du. Hainbat alkaterekin egindako gosari informatibo batean egin ditu adierazpenok.

Atzo, Espainiako Fiskalen Biltzarrak bere egin zuen Eduardo Torres-Dulce fiskal nagusiaren tesia, eta jakinarazi zuen kereila aurkeztuko dutela Kataluniako Auzitegi Nagusian Joana Ortegaren, Artur Mas Generalitateko presidentearen eta Irene Rigau Hezkuntza sailburuaren aurka, azaroaren 9ko prozesu parte hartzailea antolatzeagatik.

Bost delitu inputa dakizkieke: desobedientzia eta prebarikazioa egitea, funtsak bidegabeki erabiltzea, justizia eragoztea eta eskumenak usurpatzea.

Bartzelonako fiskalen eskaria

Bartzelonako fiskalek eskatu dute ireki ditzatela berriro probintzian azaroaren 9an inguruan artxibatutako salaketa guztiak. Haien arabera, baliteke delitu zantzuak egotea parte hartze prozesuaren gainean.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Vladimir Putin Errusiako presidentea, gaur, Moskun. ©EFE

Errusiak esan du «negoziatzeko prest» dagoela, bere interesak «bermatzeko»

Mikel Elkoroberezibar Beloki

Ukrainako armadak adierazi du bere tropetako 13.000 soldadu eta 6.000 zibil hil direla gerra hasi zenetik. Haur ugariri hezkuntzarako eskubidea urratu dietela salatu du NBEko batzorde batek.

Boliviar bat Silala ibaitik ura hartzen, Txileko mugatik gertu. ©MARTIN ALIPAZ / EFE

Boliviak esan du Hagako epaiak Silala ibaiko ubide artifizialak eraisteko aukera emango diola

Mikel O. Iribar

Nazioarteko Justizia Auzitegiak ebatzi du Silala ibaia «nazioartekoa» dela, eta Txileri eta Boliviari eskatu die elkarren arteko elkarrizketak «etengabekoak» izateko. Santiagok ez dio kalte ordainik eman beharko La Pazi.

Guardia Zibila, atzo, AEBek Madrilen duten enbaxadaren atarian. ©FERNANDO VILLAR / EFE

Espainiatik bidali dituzte gutun piroteknikoak, Poliziaren arabera

Uxue Rey Gorraiz - Gorka Berasategi Otamendi

Sanchezek, Roblesek eta Ukrainaren eta AEBen enbaxadek jaso dituzte, besteak beste

Pekinen iragan astean egin zuten manifestazioetako bat. ©M. R. CRISTINO / EFE

Txina, konfinamenduen amaierarako bidean

Olatz Urkia

Urumqin hiru lagun hil ziren joan den astean, sute bat hasi eta konfinamendu neurriek suhiltzaileen lana oztopatu zutenean. Haserrea segituan piztu, eta Txina osoan hedatu dira neurri horren aurkako protestak; orain, egoera baretuta, badirudi gobernuak manifestariak lasaitzeko keinua egin duela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...