MUNDUA

Jose Socrates Portugalgo lehen ministro ohia atxilotu dute

Ustelkeria kasu batekin zerikusia izan dezakeelakoan atzeman dute, Lisboako aireportuan.

Jose Socrates, artxiboko irudi batean.
Jose Socrates, artxiboko irudi batean. Miguel A. Lopes / EFE

Berria -

2014ko azaroak 22

Bart gauean atxilotu dute, ustelkeria, diru zuritze eta iruzur kasu baten inguruan galdekatzeko. Paristik itzultzen ari zela atzeman dute.

Socratesez aparte, beste hiru lagun ere atxilotu dituzte; Sol egunkariaren arabera, Carlos Santos Silva Lena taldeko administratzaile eta Socratesen laguna, Gonçalo Ferreira Santos Silvaren Proengel enpresako abokatua eta Joaquim de Castro Lalanda Octapharma multinazionaleko Portugalgo ordezkaria dira atxilotuak.

Socratesek 57 urte ditu, eta 2005tik 2011ra bitartean lehen ministro izan zen. Parisera joan zen ondoren. Elkarrizketa batean, ukatu egin zuen Parisen luxuzko bizimodua zeramala: "Kontu korronte bakarra dut 25 urtez. Inoiz ez dut atzerrian dirurik izan. Gobernutik irtetean egin nuen lehen gauza nire bankuari mailegu bat eskatzea izan zen".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna