Prozesu politikoak

Nazioak eta estatuak aztergai

Erabakitzeko eskubideari buruzko mintegi bat antolatu dute abenduaren 10etik 12ra, Donostian.

Nazioarteko jardunaldien aurkezpena, gaur Donostian.
Nazioarteko jardunaldien aurkezpena, gaur Donostian. Andoni Canellada / Argazki Press

Edurne Begiristain -

2014ko azaroak 24

Eusko Ikaskuntza eta EHUren ekimenez, Nazioak eta Estatuak  XXI. mendean: demokrazia eta erabakitzeko eskubidea nazioarteko jardunaldiak izango dira Donostian, abenduaren 10tik 12ra. Hiru egunetan, burujabetzaren inguruan munduan izaten ari diren prozesu politikoak  aztertuko dituzte, 30 adituen eskutik. Antolatzaileek hiru arlotan banatu dituzte aztergaiak: lurralde ezberdinetan izandako botere politikoaren antolaketa, zentralizazio zein deszentralizazio joerak eta erabakitze eskubidearen inguruko aldarrikapenak. Era berean, joera horiek Europako Batasunarengan eta horren kide diren estatuengan duten eragina aztertuko dute jardunaldietan.

Gaur egin dute aurkezpena Donostian, Jule Goikoetxea EHUko eta Jean Pierre Massias Paueko eta Aturrialdeko Unibertsitateko irakasleen eskutik. Horiekin batera, besteak beste, Iñaki Goirizelaia EHUko errektorea eta Juan Jose Ibarretxe lehendakari ohia izan dira aurkezpen ekitaldian.

Besteak beste, erabakitze eskubidearen kontzeptuari buruzko eta prozesu politikoen alderdi sozioekonomikoei buruzko saioak izango dira. Gizartearen inplikazioa ere aztertuko da; horretarako mahai ingurua egingo dute, Gure Esku Dago, Kataluniako Asanblea Nazionala eta Yes Scotland kanpainako kide banakin.

Batzorde Akademikoan Euskal Herriko Unibertsitateko, Nafarroako Unibertsitate Publikoko, Paueko eta Aturrialdeko Unibertsitateko, Mondragon Unibertsitateko, Deustuako Unibertsitateko, Gaindegiako eta Agirre Lehendakari Centerreko ordezkariak izango dira. EHUk Donostian duen Karlos Santamaria zentroan egingo dira; Gipuzkoako Foru Aldundiak babestu ditu topaketak, eta EHUgunek lagundu. Edonork parte hartu ahal izango du saioetan, aurretik izena emanda, dohainik.
 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

618 kasu atzeman dituzte Hego Euskal Herrian

Berria

Bizkaian behera egin dute kasuek; Araban, Gipuzkoan eta Nafarroan, aldiz, igo egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna