Albistea entzun

Erreakzioak. EAJ: "Egoera oso onean utzi du"

 

Berria -

2014ko azaroak 27 15:33

Ricardo Gatzagaetxebarria Eusko Jaurlaritzako Ogasun eta Finantza sailburuak azaldu du Fernandezek uztailean jakinarazi ziola BBKri Kutxabankeko presidentetza uzteko erabakia, estres testen emaitzak jaso ostean. Gatzagaetxebarriak nabarmendu du Kutxabank "estatuko tontor finantzariora" eraman duela Fernandezek.

Gipuzkoako ahaldun nagusi Martin Garitanok dei egin die erakundeei Kutxabanken "norabidea zuzentzera, esku publikoetan jarraituko duela berma dadin". Azaldu du aldundiak "kezkaz" bizi duela bankuaren norabidea, eta ziurtzat jo du Fernandezen presidentetzak "pribatizaziora" zeramala. Hala, presidente berriaren proposamena ezagutu arte itxarotearen alde agertu da.

Xabier Sagredo BBK-ko presidenteak "eskerrik beroenak" eman dizkio Mario Fernandezi "BBK-ko eta Kutxabankeko zuzendari izan den bitartean egindako lan bikainagatik". Sagredoren esanetan, Fernandezek egindako "lanak eta ardurak" bere "errespetu eta miresmen osoa" du, Kutxabank "estatu mailan finantza arloan goi mailan kokatu duelako".

EH Bilduk, berriz, uste du Mario Fernandezen dimisioa Kutxabank "pribatizatzeko" prozesuan eman diren "bestelako erabaki eta egoera ilunen artean beste kapitulo bat besterik" ez dela. Koalizioaren arabera, EAJri dagokio hainbat zalantza argitzea: "Zertara eta zergatik datorren Mario Fernandezen dimisioa? Zer nolako kontrola eraman du eta darama PNV alderdiak Mario Fernandez-ek hartutako erabakietan?".

PSE-EEko Eusko Legebiltzarreko bozeramaile Jose Antonio Pastorrek Kutxabankeko presidente berriari eskatu dio "sentsibilitate sozial nahikoa" izan dezala bere kudeaketan, "eraginkortasun finantzarioa eta konpromiso soziala bateragarriak" direlakoan. Pastorrek Fernandezen ibilbide profesional "bikaina" txalotu du, Kutxa, BBK eta Vitalen integrazioa "gidatuz" eta Kutxabank Europako entitate "kaudimendunenen" artean kokatuz.

Anton Danborenea PPko legebiltzarkidearen iritziz, "argi" dago Fernandezen erabakia Iñigo Urkullu Jaurlaritzako lehendakariarekin eta Andoni Ortuzar EAJko presidentearekin zituen "desadostasunen" ondotik etorri dela. Ildo horretan, EAJri ohartarazi dio Kutxabank ez dela "aurrezki kutxatxo bat", eta bankuarentzat "zehazki" zein etorkizun nahi duen argitzeko eskatu dio.

Markel Olano 2015eko foru hauteskundeetarako EAJko Gipuzkoako zerrendaburuak "errespetuz" hartu du Fernandezen erabakia, eta azpimarratu du "egoera oso onean" utzi duela entitatea.

LABeko idazkari nagusi Ainhoa Etxaidek azpimarratu du Fernandezen dimisioak ez duela  "auzitan jartzen pribatizazioa", eta gaineratu horixe dela sindikatuak nahi duena. Etxaidek uste du "ziur aski arazo taktikoak" egongo direla dimisioaren atzean: "Erritmo, gidoi edo beste arazo batzuk egon daitezke, baina ez da auzitan jartzen pribatizazio prozesuaren egia eta iruzur politiko eta soziala".

UGTk, berriz, uste du dimisioa aurkeztu "beste aukerarik" ez zuela Fernandezek, "EAJren eta Jaurlaritzaren babesik gabe" geratu delakoan. Raul Arza EAEko UGTko idazkari nagusiak "harriduraz" izan du albistearen berri, eta espero du hurrengo presidenteak euskal gizartean "errotutako" eredu bat garatzea. Halaber, dimisioak Kutxabanken eraginik ez izatea nahi du Arzak, "pena" litzatekeelako "barne krisi bat" gertatzea entitatean.

Unai Sordo CCOOko EAEko idazkari nagusia ere "ezustean" harrapatu du berriak, eta espero du presidente aldaketak bankuaren "pribatizazio masiboa" eten ahal izatea.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Artxiboko argazkia. ©Marisol Ramirez / FOKU

Langile bat hil da Berriobeitiko Saint Gobain Abrasivos enpresan

Iñaut Matauko Rada

Lanera sartzen ari zela, ondoezik sentitzen hasi da 56 urteko langilea, eta hil egin da.

Ertzaintzak eragindako zaurietako batzuk. / ©LAB Ezkerraldea

Ertzaintzak lau grebalari zauritu ditu metalgintzako piketean

Imanol Magro Eizmendi

Arteako Pekos Fabricacion lantegiaren aurrean izan da oldarraldia. Sindikatuek elkarretaratzera deitu dute 17:00etarako, indarkeria gaitzesteko.

Prentsaurrekoaren ostean LABek egindako argazkia, Adegiren egoitzaren atarian. ©BERRIA

Bizitzaren garestitzeari aurre egiteko hitzarmenaren alde borrokatuko da LAB Gipuzkoako metalean

Iñaut Matauko Rada

Abenduaren 31n iraungiko da Gipuzkoako metalgintzako hitzarmena, eta LABek prentsaurrekoan adierazi du sektoreak dituen beharrei aurre egingo dien hitzarmen baten alde borrokatuko dela.

Anton Arriola, Kutxabankeko lehendakari berria. ©Kutxabank.

Kutxabankek presidente berria du, baina ez du aldatuko estrategia nagusia

Iker Aranburu

Anton Arriola durangarrak ordezkatu du Gregorio Billalabeitia. Kutxabanken «berezitasunari» eta errotzeari eutsiko diola ziurtatu du presidente berriak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.