katalunia independentziara bidean

Mas: "Hitz egin dezagun beste proposamenik badago, baina kontsulta helburu gisa jarrita"

Generalitateko presidenteak esan du Gabonen aurretik jakinarazi dezakeela hauteskundeak noiz deituko dituen.

Artur Mas. /
Artur Mas. / TONI ALBIR / EFE

Berria -

2014ko azaroak 28

Artur Mas Generalitateko presidenteak adierazi du zerrenda bakarraren gaineko adostasunera iristen badira, "litekeena" dela 2015ean botoa ematea, "martxoan edo udaletako hauteskundeen ondoren". Catalunya Radio irrati katean egin ditu adierazpenok.

Berretsi du bere proposamenean hauteskundeek kontsulta itxura dutela, eta uste du horretarako ez bada, ez duela zentzurik bozak aurreratzeak. "Beste proposamen batzuk egon daitezke; hitz egin dezagun, baina kontsulta helburu gisa jarrita". Argi utzi du ez duela inorekin "lehiatu" nahi: "Mas zerbitzari bat da, ez etsai politiko bat", esan du.

Bere bide orriaren aurkezpenean egin zuen bezala, "programa argi bat" aurkeztearen alde agertu da: "Kontsultaren emaitzak nahasezina izan behar du". Oriol Junqueras ERCko ordezkariak asteartean emango du bere ikuspuntuaren berri.

Espainiako Fiskaltzak Masen, Joana Ortega presidenteordearen eta Irene Rigau Hezkuntza kontseilariaren aurka aurkeztutako kereilaz ere hitz egin du. Masen ustetan, Espainiako Gobernuak "presionatu" egin du fiskaltza, eta helburua Generalitateko presidentea politikatik aldentzea litzateke —horrela ez luke boz plebiszitarioetara aurkezteko aukerarik izango—. Horrez gain, uste du kereilak "Madrilgo piztiak otzantzeko" xedea ere bazuela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna