Albistea entzun

upn

Esparza: "Bidea ez da erraza izango, baina elkarrekin egonda eramangarriagoa da"

UPNk Tuteran egin duen Alderdi Egunean parte hartu du. Esparza izango da foru hauteskundeetan UPNren lehendakarigaia. Barcinak babesa adierazi dio.

Esparza eta Barcina gaur, UPNren Alderdi Egunean. /
Esparza eta Barcina gaur, UPNren Alderdi Egunean. / Jagoba Manterola/Argazki Press

Berria -

2014ko azaroak 30

Jose Javier Esparzak ez dio "beldurrik momentu zailetan lan egiteari". Alderdiko kargudun eta kide guztiekin gertutik lanean aritzeko konpromisoa hartu du UPNko zerrendaburuak; "beste behin ere", alderdiak "Nafarroaren etorkizuna" irabaz dezan nahi du.

"Onerako eta txarrerako, UPN denok gara, hau guztion proiektua da eta behar zaituztet", esan du UPNk gaur Tuteran egin duen Alderdi Egunean. "Ohorea" izan da harentzat UPNren hautagaia izatea, eta alderdikideei ziurtatu die ez diela "hutsik" egingo.

Horrez gain, kritikatu du batzuek krisia baliatu nahi dutela UPN Nafarroaren lematik kentzeko, eta gaineratu du ez dutela irtenbiderik proposatzen: "Akatsak egin ditugu, noski, ezinezkoa da ez egitea; baina, hala ere, ez zaie errealitatea ikusi nahi duten horiei jarraitu behar".

Nafarroan euskara "hizkuntza gisa" defenda dadila nahi du Esparzak, eta ez "nazionalismoa elikatzeko tresna modura". Kultura eta folklorea, berriz, "guztiena" izatea aldarrikatu du, "ez gutxi batzuena".

Yolanda Barcina egungo presidenteak "babesa eta zintzotasuna" adierazi dizkio Esparzari, eta UPNko kideei eskatu die "hausturarik gabe" babes dezatela. Barcinaren ustetan, Esparzak erakutsi du gaitasuna duela hauteskundeak irabazteko; kudeaketan duen esperientzia eta elkarrizketarako "prestasuna" nabarmendu ditu. Barcinak dio herritarrek alderdiei eskatzen dieten "freskotasuna" eta "eraberritzea" ekarriko duela Esparzak.

Atzo UPNko Kontseilu Politikoan botoa emandako 208 kideetatik 128k (%61) eman zioten babesa Esparzari; Alberto Catalanek 79 boto lortu zituen (%39) -gaur ez da Alderdi Egunera joan-. Emaitza jakin eta berehala, txalo artean eta "presidentea, presidentea" oihuka hartu zuten Esparza UPNko ordezkariek. Ia denek zoriondu eta besarkatu zuten.

 

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Maria Txibite Nafarroako lehendakaria. ©VILLAR LOPEZ / EFE

Foru Hobekuntza: osatu edo berritu

Jon O. Urain

Txibitek uste du ez dela garaia Nafarroako Foru Hobekuntza moldatzeko, hura «garatzeko» baizik. Barkosek dio legea «bete gabe» dagoela eta «itun politiko berri bat» beharrezkoa dela

 ©MARISCAL / EFE

«EAJk 40 urtez egin duen politikan dabil EH Bildu orain»

Xabier Martin

Kupoaren bost urterako akordioa da EAJren legegintzaldiko mugarri nagusietako bat, Sagastizabalen arabera. Nafarroako trafiko eskuduntzari ongietorria egin dio.
IAren mobilizazioa, martxoaren 24ko greba zela-ta, Gasteizen. ©Iñigo Uriz / Foku

Mugimendu Sozialistako bi kidek «jazarpen poliziala» salatu dute

Berria

Esan dutenez, «kolaboratzeko» eskaintza egin diete telefonoz zein zuzenean

Tellez, 2008ko ekaineko mobilizazio batean, Managuan. ©Mario Lopez / EFE

Dora Maria Tellezi emango diote Rene Cassin saria

Jon O. Urain

«Giza eskubideen sustapenean, defentsan eta zabalkundean duen konpromisoagatik» sarituko dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.