Udal hauteskundeak

Esporrin izendatu du PSNk Iruñeko Udalerako hautagai

Primarioak egin dituzte, Esporrin eta Pozuetaren artean erabakitzeko. PSE-EEk gaur aurkeztuko du ofizialki Donostiarako hautagaia, Ernesto Gasco.

Maite Esporrin, Iruñeko Udaleko osoko bilkura batean.
Maite Esporrin, Iruñeko Udaleko osoko bilkura batean. Jagoba Manterola / Argazki Press

Berria -

2014ko abenduak 1

Primarioak egin zituzten atzo PSNko militanteek —joan den asteazken eta ostegunean ere bozkatu zuten—, Iruñeko alkatetzarako hautagaia erabakitzeko. Bi ziren hautagaiak: Maite Esporrin eta Miguel Pozueta. Azkenean, Esporrinek ordezkatuko ditu sozialistak Iruñeko Udalean. Botoa ematera deitutakoen %76,88k parte hartu zuen primarioetan, 441 militantek hain zuzen ere. 195 boto bildu ditu Esporrinek, eta 119 Pozuetak.

Iruñeko hautagaiarekin batera, abenduaren 13an PSNk egingo duen ezohiko batzarrerako ordezkariak ere aukeratu zituzten militanteek. Eduardo Vallen zerrendak —Esporrinen sektorekoa— 159 boto eta 29 ordezkari lortu zituen. Iñaki Zaraguta Pozuetaren sektorekoaren zerrendak, berriz, 84 boto eta 28 ordezkari. Kongresuak Maria Txibite idazkari nagusiaren lidergoa sendotuko du.

Gaur, bestalde, Ernesto Gasco modu ofizialean izendatuko du PSE-EEk Donostiako alkatetzarako hautagai.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna