Albistea entzun

KATALUNIAKO PROZESU SUBIRANISTA

Kataluniako prozesuaren aurkako Polizia bereziaren egitura, argitara

'Ara' eta 'Eldiario.es'-en arabera, Espainiako Barne Ministerioak 2012tik dauka martxan independentistak zelatatzeko eta haien inguruko ustelkeria eskandaluak haizatzeko unitate berezia.

Jorge Fernandez Diaz Espainiako Barne ministroa eta Rafael Catala Justiziakoa, Kongresuan.
Jorge Fernandez Diaz Espainiako Barne ministroa eta Rafael Catala Justiziakoa, Kongresuan. JAVIER LIZON / EFE

Samara Velte -

2014ko abenduak 2

Kataluniako Ara egunkariak eta Espainiako Eldiario.es atariak eman dute unitate berezi horren berri. Gaur argitaratu duenez, unitate berezi horren helburua politikari kataluniarren datu fiskalak ikertzea da, horien artean irregulartasunak aurkitu eta ustelkeriarekin lotutako eskandaluak haizatzeko helburuarekin. Asmoa independentismoa ustelkeriarekin lotu eta azken urteetako gorakada etetea da.

Politikari kataluniarrei eta horien ingurukoei jarraitzen dietela diote bi hedabide horiek. Salaketa larria da, unitate hori ez dagoelako Espainiako Poliziaren organigramaren barruan eta horrek babesgabe uzten dituelako herritarrak. Are gehiago, Espainiako Gobernuak ezkutatu eta ukatu egin du unitate hori existitzen dela. Unitate hori osatzen duten poliziak beste unitate batzuetan integratu dituzte oharkabean pasatzeko, argitaratutakoaren arabera.

Bi hedabideek euren webguneetan argitaratu dute unitate horretan postu bat lortzeko barne deialdia, non azpimarratzen den Espainian koofizialak diren hizkuntzak jakitea "baloratu" egingo dutela lanpostua emateko. Aurtengo azaroaren 11ko data du deialdiak, eta barne aferak ikertzeko unitateak deitzen du. Espainiako Poliziaren zuzendari nagusiak sinatzen du deialdia.

Pedro Agueda kazetariaren arabera —horrek sinatzen ditu artikuluak batean zein bestean—, 200 inguru dira unitate sekretu hori elikatzen duten unitateetan aritzen diren poliziak. Horren berri oso gutxik dutela argitaratu du, baina taldearen buru Eugenio Pino egongo litzatekeela dio, eta PPren inguruan kokatu du.

Aguedaren arabera, unitate sekretuak bere lana egin eta hori egin beharko zukeen unitateari ematen dio emaitza, horrekin jartzeko lanean. Horrela lortzen dute arrastorik ez uztea. Hala ere, Oleguer Pujolen kasuan azaleratu zela dio. Poliziak Fiskaltzari eman zion txostena Barne Auzien Unitateak sinatu zuen, eta horrek harridura sortu zen. Poliziak orduan unitate sekretua ezkutatu zuen esanez kasualitatez topatu zutela Pujoli buruzko informazioa.

Kataluniako Gobernuko bozeramaile Francesc Homsek Jorge Fernandez Diaz Espainiako Barne ministroaren dimisioa eskatu du. "Hala bada, oso larria da. Poliziak ezin du aritu alderdien interesetan. Delituak jarraitu behar ditu, ez jatorri politikoa duen zerbait", esan du Catalunya Radion.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Vladimir Putin Errusiako presidentea, gaur, Moskun. ©EFE

Errusiak esan du «negoziatzeko prest» dagoela, bere interesak «bermatzeko»

Mikel Elkoroberezibar Beloki

Ukrainako armadak adierazi du bere tropetako 13.000 soldadu eta 6.000 zibil hil direla gerra hasi zenetik. Haur ugariri hezkuntzarako eskubidea urratu dietela salatu du NBEko batzorde batek.

Boliviar bat Silala ibaitik ura hartzen, Txileko mugatik gertu. ©MARTIN ALIPAZ / EFE

Boliviak esan du Hagako epaiak Silala ibaiko ubide artifizialak eraisteko aukera emango diola

Mikel O. Iribar

Nazioarteko Justizia Auzitegiak ebatzi du Silala ibaia «nazioartekoa» dela, eta Txileri eta Boliviari eskatu die elkarren arteko elkarrizketak «etengabekoak» izateko. Santiagok ez dio kalte ordainik eman beharko La Pazi.

Guardia Zibila, atzo, AEBek Madrilen duten enbaxadaren atarian. ©FERNANDO VILLAR / EFE

Espainiatik bidali dituzte gutun piroteknikoak, Poliziaren arabera

Uxue Rey Gorraiz - Gorka Berasategi Otamendi

Sanchezek, Roblesek eta Ukrainaren eta AEBen enbaxadek jaso dituzte, besteak beste

Pekinen iragan astean egin zuten manifestazioetako bat. ©M. R. CRISTINO / EFE

Txina, konfinamenduen amaierarako bidean

Olatz Urkia

Urumqin hiru lagun hil ziren joan den astean, sute bat hasi eta konfinamendu neurriek suhiltzaileen lana oztopatu zutenean. Haserrea segituan piztu, eta Txina osoan hedatu dira neurri horren aurkako protestak; orain, egoera baretuta, badirudi gobernuak manifestariak lasaitzeko keinua egin duela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...