Albistea entzun

KATALUNIA INDEPENDENTZIARAKO BIDEAN

"Aniztasunean, batasuna"

Kataluniako hauteskunde plebiszitarioetarako ahalik eta proposamen subiranista zabalena eskatu du Junquerasek, independentzia nahi duten guztiek bat egiteko modua izan dezaten.

Bi mila lagun baino gehiago bildu ziren atzo Bartzelonako Kongresuen Jauregian, tartean zen Mas presidentea.
Bi mila lagun baino gehiago bildu ziren atzo Bartzelonako Kongresuen Jauregian, tartean zen Mas presidentea. TONI GARRIGA / EFE

Samara Velte - Berriemaile berezia -

2014ko abenduak 3 13:12

2.000 lagunetik gora izan dira Junquerasen aurkezpenean, gizarte zibileko ordezkariak nahiz eragile politiko, ekonomiko eta kulturaletakoak. Lehen lerroan elkartu dira, besteak beste, Artur Mas Kataluniako Gobernuko presidentea, Carme Forcadell ANC Kataluniako Biltzar Nazionaleko presidentea, Muriel Casals Omnium Culturaleko presidentea, Maurici Lucena PSCko Kataluniako Parlamentuko bozeramailea eta Joan Rigol Erabakitzeko Eskubidearen Aldeko Itun Nazionaleko koordinatzailea. Ordu eta laurden inguruko aurkezpena egin du ERCko buruak.

Hauteskunde osteko faseaz eta prozesu konstituziogileaz hitz egin du Junquerasek. Batasun gobernu bat beharrezkotzat jo du, estatu egiturak sor ditzan eta aldi berean prozesu konstituziogile bat zuzen dezan: "Ezinezkoa da estatu egiturak Espainiako araudiaren barruan eraikitzea". Horren harira, azaldu du estatuaren eraikuntzak babes handiagoa izango duela estatuaren aldarrikapenak baino: "Ados egon ez arren, inork ez du geratu nahi kanpoan".

Nola aurkeztu, ordea, bozetara? Mataza hori da askatzeke geratzen dena orain. Zerrenda bakarraren alde egin zuen Artur Mas Kataluniako Gobernuko presidenteak iragan astean, independentziaren aldeko gehiengo argi bat isla dadin bozetan.

Nork bere zerrendak aurkezteko asmoari eutsi dio Junquerasek, argudiatuta independentista orok izan behar duela bozetan "eroso sentiaraziko duen erreferente politiko, kultural, sozial eta ekonomikoa". Nolanahi ere, azaldu du independentziaren aldeko zerrenda ezberdinek hainbat elementu izan ditzaketela komunean; horien artean aipatu ditu izenen parte bat eta programako puntu bat —independentzia—. Horrez gain, hauteskunde kanpainan zehar ekitaldiren bat elkarrekin egin lezaketela uste du Junquerasek. Zerrendetan independente ugari aurkeztea ere eskaini du, zerrenden arteko artekari lana egin dezaten.

Junquerasek desadostasuna azaldu du Masek hemezortzi hilabeteko trantsizio epearen amaieran proposatutako erreferendumarekin. Hark esan zuen independentzia berretsi beharko litzatekeela hauteskunde plebiszitarioak egin eta hemezortzi hilabetera, baina Junquerasek erantzun dio "inon" ez dela bi erreferendumik egin behar izan independentzia berresteko, eta, izatekotan, hemezortzi hilabeteren buruan egin beharreko erreferenduma Kataluniako Konstituzioa berresteari buruzkoa izango litzatekeela.

ANCk larunbatean argitu zuen bere jarrera: Masen proposamenari egoki deritzo, eta hautagaitza "transbertsal bat" nahi du bozetarako—otsailean izan daitezen nahi du—.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Boliviar bat Silala ibaitik ura hartzen, Txileko mugatik gertu. ©MARTIN ALIPAZ / EFE

Boliviak esan du Hagako epaiak Silala ibaiko ubide artifizialak eraisteko aukera emango diola

Mikel O. Iribar

Nazioarteko Justizia Auzitegiak ebatzi du Silala ibaia «nazioartekoa» dela, eta Txileri eta Boliviari eskatu die elkarren arteko elkarrizketak «etengabekoak» izateko. Santiagok ez dio kalte ordainik eman beharko La Pazi.

Guardia Zibila, atzo, AEBek Madrilen duten enbaxadaren atarian. ©FERNANDO VILLAR / EFE

Espainiatik bidali dituzte gutun piroteknikoak, Poliziaren arabera

Uxue Rey Gorraiz - Gorka Berasategi Otamendi

Sanchezek, Roblesek eta Ukrainaren eta AEBen enbaxadek jaso dituzte, besteak beste

Pekinen iragan astean egin zuten manifestazioetako bat. ©M. R. CRISTINO / EFE

Txina, konfinamenduen amaierarako bidean

Olatz Urkia

Urumqin hiru lagun hil ziren joan den astean, sute bat hasi eta konfinamendu neurriek suhiltzaileen lana oztopatu zutenean. Haserrea segituan piztu, eta Txina osoan hedatu dira neurri horren aurkako protestak; orain, egoera baretuta, badirudi gobernuak manifestariak lasaitzeko keinua egin duela.
 ©ROMAN PILIPEY / EFE

Errusiak ez du onartuko Ukrainako gerra krimenetarako auzitegirik

Mikel O. Iribar

Kremlinek «ilegitimotzat» jo du Europako Batzordeak egindako proposamena. Zelenskiren arabera, sei milioi herritar daude argindarrik gabe Ukrainan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.