Albistea entzun

KATALUNIA INDEPENDENTZIARAKO BIDEAN

Jarrerak hurbiltzeko eta bide orria adosteko prest daude CiU eta ERC

Bilera saila "berehala" hasiko du Masek. Ados jartzeko eskatu diete ANCk eta Omniumek.

Oriol Junqueras ERCko presidentea, atzoko aurkezpenean.
Oriol Junqueras ERCko presidentea, atzoko aurkezpenean. Toni Garriga / EFE

Berria -

2014ko abenduak 3 17:24

Bilera eskatu dio ERCko presidente Oriol Junquerasek Artur Mas Generalitateko presidenteari, Kataluniako bide orria adosteko. Atzo egin zuen Junquerasek independentzia eskuratzeko estrategia proposamena, eta pasa den azaroaren 25ean egin zuen Masek berea. ERCk jakinarazi duenez, telefonoz eskatu dio Junquerak Masi bilera, eta hurrengo orduetan espero da Kataluniako Gobernuko presidenteak erantzuna eman eta bilkurarako data zehaztea.

Kataluniako hauteskunde plebiszitarioetarako ahalik eta proposamen subiranista zabalena eskatu zuen atzo Junquerasek, independentzia nahi duten guztiek bat egiteko modua izan dezaten. Gainera, independentziaren aldeko alderdiek zerrenda bakarra osatzeko Masek egindako proposamena baztertu zuen Junquerasek, nahiz eta horiek hainbat elementu partekatu ditzaketela defendatu, hala nola, hautagaitza guztien izenaren zati bat edo guztien hauteskunde programako puntu nagusia independentzia aldarrikapena izatea.

Carme Forcadell eta Muriel Casals ANC eta Omium Culturaleko presidenteek, bestalde, Artur Masek eta Oriol Junquerasek independentzia lortzeko egindako proposamenek komuneko puntu asko dituztela uste dute. Horregatik, ERCk eta CiUk bide orri bateratua adostu ahal izango dutela espero dute bi erakundeek. Catalunya Radio irratian egin dituzte adierazpenak. Casalsek bi proposamenak "hain ezberdinak ez" direla nabarmendu du, eta Forcadellek Junquerasen bide orria txalotu du, "independentzia birsortze demokratikoarekin lotu duelako". Gainera, ERC eta CIUren arteko akordioa "konponbide bakarra" dela esan du Forcadellek, hauteskundeetarako zerrenda "ahalik eta transbertsalena" izan dadin. ANCko presidenteak begi onez ikusi du ere zerrenda ezberdinei Ara es l'hora izena jartzeko Junquerasek egindako proposamena.

Merce Conesa CDCko eledunak "alde nabarmena" antzeman du Masek eta Junquerasek eginiko proposamenen artean. Hala ere, adostasunera iristeko aukera ikusi du. Zehaztu du zerrenda bakarraren bidez ere independentismoaren sentsibilitate ezberdinetara heltzeko modua dagoela —helburu hori aipatu zuen Junquerasek— eta hori zerrenda bateratu baina "transbertsal" baten bidez egin daitekeela.

PSCko Kataluniako Parlamentuko bozeramaile Maurici Lucenak, berriz, uste du Junquerasek Masen planteamendutik, "gobernuaren murrizketetatik" eta ustelkeria kasuetatik urrundu nahi izan zuela. Halaber, esan du ERCko buruak gainetik kendu nahi izan zuela "CiUren eta gobernuaren aldetik jasaten ari den presioa zerrenda bateratua onartzeko".

CUPeko parlamentari Quim Arrufatek bat egin du ERCrekin zerrenda ugariren proposamenean, baina zalantzan jarri du bozen ondoren batasun gobernu bat osatzearen beharra. Hala, "mandatu demokratiko bat" lortze aldera formula onena topatzeko lan egitera deitu du.

Ciutadanseko eledun Matias Alonsoren hitzetan, ordea, Junquerasek eta Masek "fartsa independentistaren atal berri bat" zabaldu dute independentziarako bide orriak aurkeztuz. Hauteskundeak aurreratzea beharrezkotzat jo du, gainera.

Josep Maria Vila d'Adabal AMI Independentziaren Aldeko Udalerrien Elkarteko presidenteak, bide beretik, bi proposamenen artean "koinzidentzia eta akordiorako aukera asko" daudela esan du.

Artur Mas Oriol Junquerasek ERCren independentziarako estrategia azaltzeko egindako hitzaldian egon zen atzo, Bartzelonan. Edonola, edukiari buruzko adierazpenik ez zuen egin nahi izan Generalitateko presidenetak; "entzutera" joana zela baino ez zuen esan.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Palestinako herritarrak Israelgo segurtasun indarrek hildako palestinar baten hiletan, Ramallahn. ©Alaa Badarneh / EFE

Israelen eta Palestinaren arteko gatazka «borborka hastear» dagoela ohartarazi du NBEk

Maddi Iztueta Olano

Erakundeak bi estatu sortzeko plana onartu zuenetik 75 urte betetzen dira gaur, baina liskarrak ez du etenik izan ia. Israelgo segurtasun indarrek lau palestinar hil dituzte bart.

Erreskatatu dituzten hiru gizonak, 'Alithini II' petrolio ontziaren lema gainean. ©@salvamentogob

Petroliontzi baten lemaren gainean 11 egunez iraun duten hiru lagun erreskatatu dituzte Kanarietan

Paulo Ostolaza

Ontzia Lagostik abiatu zen, Nigeriatik, azaroaren 17an. Lehen arreta eman eta gero, hipotermia zantzuekin ospitaleratu dituzte hiru gizonak.

Jens Stoltenberg NATOko idazkari nagusia, atzo, Bukaresten egindako agerraldian. ©ROBERT GHEMENT / EFE

Stoltenberg: «NATOk Ukraina babesten jarraituko du, eta ez dugu atzera egingo»

Mikel O. Iribar

Mendebaldeko aliantza militarra bilera egiten ari da Bukaresten. Reutersen arabera, NATO presio egiten ari zaie armak ekoizten dituzten enpresei, hornidura «arazoak» dituztelako.

Irango emakumeen aldeko protesta bat, Istanbulen (Turkia), larunbatean. ©ERDEM SAHIN / EFE

Iranek ez dio lagunduko NBEri protestetako errepresioa ikertzen

Maddi Iztueta Olano

NBEk misio bat sortu du Mahsa Aminiren aldeko mobilizazioetako errepresioa ikertzeko. Protestetan 300 lagunetik gora hil dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.