Albistea entzun

finantzak

Kutxabanken beste bide orrian sakontzen

Akzioak udalen eta diputazioen esku uzteko eskaera berretsi dute Martin Garitanok eta Juan Karlos Izagirrek. Bankuak inbertsio funts bat abian jartzea proposatu dute, ekonomia laguntzeko.

Xabier Martin -

2014ko abenduak 4 13:34

Martin Garitano Gipuzkoako diputatu nagusiak eta Juan Karlos Izagirre Donostiako alkateak bide orri bat proposatu diote Iñigo Urkullu lehendakariari, bi helbururekin: Kutxabanken izaera publiko eta soziala berreskuratzea, batetik, eta mota honetako finantza erakunde batek Euskal Herriko ekonomian bete dezakeen eginkizuna kontuan hartuta, inbertsio funts bat abian jartzea, bestetik. Azken horrek lanpostu duinak sortzea eta industria biziberritzea izango luke helburu. "Arduraz jokatzeko garaia da, eta Gipuzkoako instituziook arduraz jokatuko dugu", adierazi du Garitanok. Gaur goizean Donostian egindako agerraldian Gipuzkoako Foru Aldundiak eta Donostiako Udalak Kutxako Administrazio Kontseiluan zituzten ordezkariak ere izan dira.

Garitanok nabarmendu du krisiari aurre egiteko eta ehun produktiboa sendotzeko finantza erakunde bat behar dutela; enpresei aurrera egiten laguntzeko eta langabeziaren eta pobreziaren kontra borrokatzeko tresna bat, alegia. Datuak esanguratsuak dira: 2008tik Araba, Bizkai eta Gipuzkoako industriak 70.000 lanpostu galdu ditu. "Argi dago biziberritu eta egokitu egin behar dugula geure ehun industriala”, esan du ahaldun nagusiak.

Inbertsio funtsaren sorrera "Kutxabanken izaera publiko eta soziala berreskuratzeko" planaren barruan sartu dute Garitanok eta Izagirrek. Iñigo Urkullu Eusko Jaurlaritzako lehendakariari eskatu diote plan hori abian jartzea, "berriki Kutxabank pribatizatzearen aurka agertu delako".

Izagirrek zehaztu duenez, lehen pausoa Urkulluk deialdia egitea eta Lehendakaritzaren eta EAEko kutxen sei erakunde sortzaileen (foru aldundiak eta hiru hiriburuetako udalak) arteko bilkura egitea litzateke, bide-orria eta ondoren egin beharreko urratsak adosteko. Bi gairen inguruan:

Foru Aldundiak joan den irailean aurkeztutako proposamena oinarritzat harturik, adostasun bat lor daitekeen aztertzea, Kutxabanken akzioak erakunde hauen esku laga edo eskualdatzeko: erakunde fundatzaileak, udalak eta Eusko Jaurlaritza.

Inbertsio funts bat eratzeko prozesua abiaraztea, enpresa txikien eta kooperatiben biziberritze industriala sustatzeko, eta enplegu duina sortzeko, Kutxabanken finantza babes nagusiaren bitartez.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Metalgitzako langile bat jardun betean. ©Marisol Ramirez / FOKU

Metalgintzako negoziazioak: Nafarroan akordioa gertuago dago; Bizkaian, urrun

Imanol Magro Eizmendi

Nafarroako metalgintzako patronalak UGTren eta CCOOren eskaintzak aztertuko ditu. Bizkaikoak, berriz, ez du aldatu lan ituna berritzeko eginiko azken eskaintza.

Hiru kamioi geldirik Oiartzungo aparkekuan. ©Gorka Rubio / FOKU

Jaurlaritzak zazpi milioi euro jarri ditu kamioiak berritzeko planerako

Imanol Magro Eizmendi

Asteartean hasiko da eskaerak egiteko epea. 34.000 eurora arteko laguntzak banatuko dira.

Gazte bat «jan itzazu aberatsak» dioen pintaketa baten aurretik pasatzen, Atenasen. ©ORESTIS PANAGIOTOU / EFE
Arroz ekoizle bat eskukada bat ongarri eskuan duela, Colombon (Sri Lanka). ©CHAMILA KARUNARATHNE/EFE

ONGARRIEN EKOIZPENAK %70 EGIN DU BEHERA

Maddi Iztueta Olano

NBE Nazio Batuen Erakundeak Errusiari eta Ukrainari eskatu die esportazio kimikoen inguruko akordioa adostu dezaten. Elikagaien eskasia areagotzen ari da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...