ALEMANIA

Die Linkek Alemaniako lander batean gobernatuko du lehenbiziko aldiz

Turingian koalizio ituna sinatu du ezkerreko alderdiak sozialdemokratekin eta Berdeekin. Gaur bozkatuko dute Ramelow presidente izan dadin.

Bodo Ramelow Die Linkeko hautagaia eta Christine Lieberknecht CDUkoa, hauteskunde gauean, irailaren 14an.
Bodo Ramelow Die Linkeko hautagaia eta Christine Lieberknecht CDUkoa, hauteskunde gauean, irailaren 14an. Kay Nietfeld / EFE

Samara Velte -

2014ko abenduak 4

Lander batzuetako gobernuetan parte hartutakoa zen Die Linke, baina aurreneko aldia izango da ezkerreko alderdi horrek zuzenduko duena lander bateko gobernua. Bost urtez Turingiako gobernua osatzeko akordioa izenpetu dute hiru alderdiek, eta Bodo Ramelow Die Linkeko ordezkaria izango da gobernuburu.

CDUk irabazi zituen bozak bertan, 34 ordezkari lortuta. Die Linkeren 28 ordezkariak, SPDren hamabiak eta Berdeen seiak batuta, ordea, gehiengoa izango du hiruko koalizioak. Ozta-ozta nagusituko dira, hala ere: 46 ordezkari izango ditu gobernua sostengatuko duen koalizioak, eta 45 oposizioak.

24 urte eman ditu CDUk Turingian gobernatzen; Alemaniako Errepublika Demokratikoa eta Alemaniako Errepublika Federala batu zirenetik, beraz. Hiruko koalizioak Angela Merkel Alemaniako kantzilerraren eta Joachim Gauck estatuko presidentearen kritikak jaso ditu. Iluntzean protestak egingo dituzte Erfurten, landerreko hiriburuan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Erizain bat, gazte bati txertoa ematen, Brasilen. Umeak txertatzeko ohiko kanpainetan jaitsiera nabaritzen hasi dira aurten ©FERNANDO BIZERRA JR / EFE

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan.

PCR proba bat, Indian. Bigarren herrialde kaltetuena da hura. ©SANJEEV GUPTA / EFE

Milioi bat lagun baino gehiago hil ditu COVID-19ak

Iosu Alberdi

AEBetan erregistratu dute kasu eta heriotza gehien. Euskal Herriak munduko heriotza tasa handienetako bat du: 77 heriotza 100.000 biztanleko.

Konfinamendua ezarri zuten Azkoienen. ©Idoia Zabaleta / Foku

Hegoaldeko kasuen erdiak baino gehiago, Nafarroan

Uxue Rey Gorraiz

Beste 603 positibo zenbatu dituzte Hego Euskal Herrian; Nafarroan atzeman dituzte horietatik 318. Halaber, bi pertsona zendu dira birusaren ondorioz.

Maria Txibite, agerraldi batean. ©Jesus Diges / Efe

Txibitek esan du egoera «kontrolatuta» dagoela Nafarroan

Arantxa Iraola

Positibo «asko» izan arren konfinamendu orokorrik ezartzeko asmorik ez dutela adierazi du

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna