'.eus' domeinua

Posta elektronikoan '.eus' domeinua jartzeko eskaintza berezia, hiru egunez

Oparitu zureizena.eus kanpaina jarri du martxan PuntuEus fundazioak Durangoko Azokarako.

.eus domeinua duten webguneetako ordezkariak, Euskararen Egunean.
.eus domeinua duten webguneetako ordezkariak, Euskararen Egunean. LUIS JAUREGIALTZO / ARP

Berria -

2014ko abenduak 5

Fase irekia hasi berri du .eus domeinuak. Jadanik 1.292 webgunek darabilte euskararen eta euskal kulturaren domeinua, eta, aurrerantzean, eskatu ahala emango dituzte domeinuak. Durangoko Azokara begira, Oparitu zureizena.eus kanpaina egin du fundazioak, eta posta elektronikoan .eus domeinua jarri nahi duen edonork horretarako aukera izango du prezio erdian —zureizena@zureabizena.eus litzateke eredua—.

30 euroren truke, domeinu izena, hamar posta elektroniko kontu, 2 GB espazioa, DNS kudeaketa eta mugagabeko transferentzia ahalmena erosteko aukera egongo da bihartik astelehenera bitarte Puntueus fundazioaren gunean —Artekale 81, 82, 83—.

Gune horretan egoteaz gain, hitzaldiak ere eskainiko dituzte fundazioko kideek Kabian. Bihar, Iratxe Esnaola idazkaria ariko da (.eus sortzaileei begira hitzaldian, 13:30); igandean, Josu Waliño zuzendaria (.eus komunitateari eta garatzaileei, 13:30; eta, astelehenean, Santi Ribera PuntCat fundazioko zuzendaria (.eus enpresari begira, 13:30).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna