Mundua

Hong Kongeko manifestariak kanporatu eta dozenaka lagun atxilotu ditu Poliziak

Manifestariek gaur arteko epea zuten bi hilabete iraun duten protestak amaitzeko.

Langileak manifestariek jarritako barrikadak kentzen.
Langileak manifestariek jarritako barrikadak kentzen. ALEX HOFFORD / EFE

Berria -

2014ko abenduak 11

Irailaren hasieran Hong Kongeko erdigunea okupatu zuten milaka manifestarietatik ehunka batzuk soilik jarraitzen zuten gaur goizaldean kanpaleku nagusian. Goi Auzitegiak protesta kanpaleku nagusia desegiteko jarritako epea gaur goizean amaitu da, eta lehen orduan hasi dira segurtasun indarrak bertan jarraitzen zuten manifestariak kanporatzen. Liskarrik izan ez den arren, segurtasun indarrek dozenaka lagun eraman dituzte atxilo.

Hilaren hasieran egin zuten Occupy Central mugimenduaren hiru sortzaileek Hong Kongeko Gobernuaren kontrako protestak amaitzeko deia, Ikasleen Federazioarekin hautsita. Azken horrek okupazioarekin jarraitzeko eskatu zien manifestariei. Hain zuzen ere, federazioko buru Alex Chowk nabarmendu du protestek beren helburua lortu dutela: "Erakutsi dugu azkeneraino heltzeko prest gaudela Hong Kongentzako benetako demokrazia lortzeko".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna